E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Simitja e Ferdinand Xhaferit

21 Korrik 2015, 17:00, Aktualitet CNA

Elvi FUNDO

Gazeta ?SOT?, titull kryesor kishte të martën këshillat e Ferdinand Xhaferit i cili na kishte humbur prej kohësh. Një intervistë e koleges Erneta Shevoja, ku Xhaferi fliste për opozitën dhe qeverinë, për PD-në e djeshme dhe atë të sotme, për zgjedhjet në Tiranë dhe ato që nuk ekzistonin në vende të tjera. Kuptohet edhe disa furca Lulzim Bashës për të hapur një derë dhe mundësisht për t?u rikthyer në PD.

Ferdinand Xhaferi, hyn tek pjesa e politikanëve që hyjnë nga dera, dalin nga dritarja, pastaj hyjnë nga dritarja i nxjerin me shqelma nga dera e kështu me rradhë. I lodhur, i keq përdorur, duket se këtë herë ka humbur vërtet simiten.

Është e nevojshme që kjo figurë kaq qesharake politike të jetë në publik me të vertëtat politike dhe historinë e tij. Levizjet e stimuluara dhe mbështetura nga pas, për tu rikthyer në PD, janë skenarë të njohur prej kohësh nga ana e tij dhe disa personazheve që e mbështesin, ku spikat Fahri Balliu.

Ferdinand Xhaferi është nga ata të racës të Pollarëve, nuk ka asnjë ndryshim nga Enno me 2 cop N, Collakët, Pollot e kompani, janë e njëjta racë sharrësisht, delirantësh të paftësh që sakatuan PD dje në opozitë, e molën mirë e mirë në pushtet dhe flasin sot. Japin leksione politike në publik gjatë opozitës të sotme, për të qenë nesër pjesë e thelbësore e opozitës dhe vendimarrjes së saj.

Pak histori dhe fakte

Memoria politike s?na mungon dhe gazetarët mund të shkruajnë dhe përshkruajnë pafund për Ferdinan Xhaferajn.

Në PD riaktivizohet fort në vitin 1997, dhe largohet në vitin 1999 ku bashkohet me Pollon. Vjedhin siglën e PD, dëmtojnë opozitën në zgjedhjet lokale të vitit 2000. Më pas janë shkaktarë kryesore të humbjes së saj në 2001. Ferdinand Xhaferi ishte skenarist kryesor i lojrave në ambasada. Kandidon i pavarur në Durrës në vitin 2003, vetëm për të dëmtuar opozitën, e kështu me rradhë. Më pas së bashku me Pollarët i bashkohen PD në vitin 2005 për të shijuar pushtetin. Cfarë nuk bëri në pushtetin e PD-së?!

Në intervistën për të përditshmen ?SOT? ai thotë se ?në këto dy vitë PD-ja nuk arriti të ndahej nga rrugacët me kollare që gjatë qeverisjes së PD vetëm sa ndanë tenderat dhe vranë karrierat politike të atyre që thjesht nuk pranuan të bëheshin palë për të grabitur?. Dakord shumë mire ky mund të jetë një konstatim i saktë, por minimalisht nuk duhej ta thoshte z. Xhaferaj.

Së pari ka një fakt, në vitin 2011 përpara se të kandidonte për kryetar bashkie nga PD-ja në Durrës, zoti Xhaferaj në muajt Mars-Prill realizoi 100% të tenderave dhe shpenxoi buxhetin e gjithë vitit shpej e shpejt, jo pa qëllim i duhej mbështetje financiare në fushatë. Më kujtohet Aldo Bumci, që u emërua Ministër pas tij dhe gjeti arkën boxh dhe me buxhet të zeruar. Pra kur flet për tendera zoti Ferdinand nuk duhet ta humbë si Xhaferi simiten.

Së dyti, Xhaferi kandidoi në PD dhe humbi dhe prej kohësh nuk po ndjehej në politikë, por ndoshta suporti i tij politik Fahri Balliu, kërkon ta mbështesë dhe riktheje në PD, një nga ministrat që e ka pasur si thes personal. Të dalësh dhe flasësh për tendera dhe kollaro që i shpërndajnë dhe mos tregosh për Fahri Balliun, miqësinë, dhe bashkëpunimin financiar kur ishte ministër, është njësoj si Xhaferi që humbi simiten.

Së treti të flasësh për pushtetin e PD-së, tenderat e saj dhe kollarot, duhet të jesh vertet me kurajo, kur ka qenë jo vetëm një nga ministrat, por më pas edhe kandidatet më skandaloz në historinë politike të PD.

Njeriu që kërkonte të conte në Vlorë eshtrat e Ismail Qemalit, më pas kandidoi në Durrës dhe ju tregonte përralla durrsakëve me cilësinë e diellit dhe rërës. Qytetarët durrsakë e refuzuan këtë qesharak, në fakt simitja e Xhaferit nuk ishte asgjë përpara cilësisë së diellit dhe rerës.

Së katërti flet i fundit i grupit të Pollarëve, që nuk ishte ndjerë ndaj PD-së, flet në një moment për t?ju shtuar grupit mbështetës dhe lojës të Pollos në PD. Flet një i humbur me gjithë simite, me kollare që konsumonte buxhetin e vitit në 2 muaj, dhe qan karrieren e tij politike.

Këto janë disa fakte ose më mirë një pjesë e historisë politike që shqiptarët duhet të mos i harrojnë, në vecanti opozita. PD duhet të ketë kujdes nga të tilla lojra dhe skenarë, sepse dhe ajo rrezikon shumë që të humbë si Xhaferi simiten.

Historia

Xhaferri që humbi simiten

Në një fshat ne jug të Shqiperisë, jetonte nje furrxhi me emrin Xhaferr. Ai piqte simite dhe ia shiste banoreve të zonës. Erdhi nje kohë që simitet e tij kërkoheshin shume, fitoi emer e reputacion në gjithë zonën perreth.

Nje dite i vjen plaku i fshatit dhe i porosit një simite.
-Do ta marr me vone -i thote ai- ma ruaj pak .

Xhaferri i le mejane një simite. Më vonë dynden njerezit e ardhur nga punët e tyre dhe duan të blejne për të ngrënë. Në punë e sipër, nga rradha e gjatë e blerësve, Xhaferri harron që ka lene nje simite mënjanë për plakun e fshatit dhe e ngatërron me të tjerat.

Kur vjen plaku ta marre simiten, ai behet tym që e ka ngatërruar dhe nis e kerkon atë midis të tjerave dhe ben rrëmuje gjithë furrën.

Xhaferri mund ti jepte plakut cdo simite që ti zinte dora. I shkreti nga puna e madhe që kishte, i kishte humbur mendja fare. Gjithe fshati e mbante avaz dhe e përsëriste shpesh ndodhinë e Xhaferrit me simiten, ajo ka mbetur deri në ditet e sotme: Mos e humb si Xhaferri simiten!