E fundit!

15:37 Sociale

IGJEUM: Moti me shtrëngata e reshje shiu, ulen temperaturat në vend

Instituti i Gjeoshkencave ka ndarë sot një parashikim për ...

TRAGJI-KOMEDIA E RRADHES/ Hamendesime ne nje dite te nxehte vere

21 Korrik 2015, 13:10, Aktualitet CNA

Nga Av. Klodi Stralla

A u ka rene rasti te lexoni poezi, romane apo drama, a keni degjuar muzike apo opera, keni soditur piktura a skulptura, ku krijues te jene nje grup autoresh ? Kursesi jo ! Pse ? Fare thjesht: sepse cdo veprimtari krijuese eshte nje pune individuale e nje njeriu te vetem, i cili meshiron ne veper intelektin dhe shpirtin e tij krijues. Keshtu jane krijuar kryeveprat ne historine e njerezimit, nga Eskili tek Shekspiri, nga Mikelanxhelo tek Goja apo nga Bahu tek Verdi.

Do t?u duket cudi nese do t?u them se e njejta gje eshte, sipas mendimit tim, edhe me hartimin e nje Ligji. Draftimi i ligjit eshte nje veprimtari e mirefillte krijuese. Ligjin mund ta draftoje vetem nje njeri, qe jo vetem njeh thelle fushen e veprimtarise qe drafton, por njekohesisht ka aftesi krijuese per te na dhene nje ansambel normash dhe nenesh juridike koherente, ne peruthje me Kushtetuten, pa kondradiksione te brendeshme, me elementet e sigurise dhe garancive juridike, qe reflekton nevojen qe ka vendi per ndryshim ne nje etape te caktuar historike. Ndonse ne histori njihen Kodet e Hamurabit, Justinianit apo Napoleonit, Ligjet e Likurgut apo Solonit, tek ne Kodi i Zogut, te gjithe keta korpuse juridike jane hartuar, ne prapaskene, nga njerez profesioniste dhe vizionare. Vullneti i Sovraneve ka qene vetem mbeshtetja politike dhe deshira e tyre per te ndertuar shtet e per t?u dhene shtetasve te tyre regull dhe drejtesi. Ne Romen e Lashte cdo ligj mbante emrin e nje senatori (ligjvensi), qe e kish draftuar dhe kish influencuar ne Senat per miratimin e tij. Nje praktike e tille eshte sot ne SHBA apo Europen Perendimore.

Keshtu duhet te ndodhe edhe tek ne, per cdo reforme qe pretendojme te ndermarim. Per mua eshte absurditet profesional qe per hartimin e nje Ligji qe pretendon te reformoje nje fushe te caktuar te veprimtarise njerezore, si aresimin, shendetesine, sistemin e drejtesise urbanistiken apo strukturen administrative te nje vendi, te ngrihen komisione, grupe pune, grupe interesi e ku ta di une tjeter c?fare, qe zakonisht perfundojne ne kakofoni, ku njeri i bije gozhdes e tjetri patkoit, e gjithmone draftohet nje ligj i manget, i ceket dhe me fryme te theksuar partiake, te mazhorances te rradhes. Kemi 25 vjet qe bejme te tilla ligje dhe po te shihni se sa ndryshime (amendime) kane pesuar keto ligje (me dhjetra here) do te me jepni te drejte per sa shkruaj.

Eshte e vertete qe ne nuk kemi sot autoritete ne fushen e jurisprudences te njohur boterisht (ndonse kemi disa qindra pofesor doktore, me shume se cdo vend tjeter per fryme te popullsise), qe ta marre persiper nje pune te tille. Une mendoj se nuk na bije hunda t?i drejtohemi botes ku aspirojme te integrohemi per te gjetur njerez te tille. Por druaj se klasa jone politike nuk e desheron nje gje te tille sepse per ta reforme nuk do te thote luftim i se keqes por kapje e institucioneve dhe perdorimi i tyre per qellime thjesht vetiake. Kete e them sepse edhe njehere qe ish rasti te vendosnim ne krye te Bankes Kombetare (guvernator) nje personalitet te huaj, qe kish menaxhuar me pare nje institucion te tille, ne zgjodhem perseri (pozite-opozite ne unison) nje vendas, qe kish menaxhuar vetem nje Banke te nivelit te dyte !

Sot mbasdite Kuvendi i Shqiperise do te mbylle punimet e sezonit me votimin e Ligjit aq shume te debatuar per Aresimin e Larte. Nese kini interes ndiqeni seancen e do te shihni nje shfaqe te rradhes, qe Eskili apo Aristofani i Lashtesise, po te ishin gjalle, do ta kishin te veshtire ta klasifikonin si tragjedi apo komedi, ndersa shumica e shqiptareve te papune e shohin si nje kalim kohe falas ne ekranet e televizoreve partiake !