web counter
LEXO PA REKLAMA!

SHKARKO APP

App Store
Google Play

Arrestohen dy te rinj, tentuan te trafikonin dy vajza drejt Kosoves

17 Qershor 2015, 14:59, Kronika CNA

Një vajzë e mitur nga Elbasani dhe një tjetër pak më e madhe nga Durrësi janë futur në vorbullën e trafikut njerëzor nga dy djem elbasanas që synonin të nxirrnin parea prej tyre duke i përdorur si prostituta. Policia në Elbasan, kishte më shumë se tre muaj që kishte rënë në gjurmë të kësaj afere të pistë dhe nisi një hetim special ku përdori metodat proaktive dhe infiltrimin e përgjimet. Sot, nga ana e Seksionit Kundër Trafiqeve të Paligjshme në Drejtorinë e Policisë së Qarkut Elbasan është finalizuar operacioni antitrafik i koduar me emrin ?Udhëtari? dhe janë arrestuar në flagrancë dy persona që akuzohen për ?Trafikimi i personave të rritur? dhe ?Trafikimi i të Miturve? . Të arrestuarit janë Platin Çekrezi, 26 vjeç, banues në fshatin Gjergjan, Elbasan dhe Erlind Kateshi, 26 vjeç, banues në fshatin Bishqem Fushë, komuna Pajovë. Ata janë që të dy nën akuzë për veprat penale të ?Trafikimi i personave të rritur? dhe ?Trafikimi i të Miturve? . ?Këta dy djem në bashkëpunim me njeri-tjetrin kanë tentuar të trafikojnë në Kosovë shtetaset B. K., 16 vjeçe, banuese në Durrës dhe A. R., 19 vjeçe, banuese në Elbasan?,  thanë  burime zyrtare nga policia e Elbasanit. Dy të rinjtë e arrestuar janë kapur në flagrancë duke tentuar të kalojnë dy vajzat për në Kosovë nëpërmjet Pikës së Kalimit të Kufirit Morinë, Kukës me automjetin tip Ford Fiesta me targa AA 113 DJ, në pronësi të shtetasit Platin Çekrezi. Gjatë kontrollit të ushtruar nga Specialistët e Seksionit të Trafiqeve të Paligjshme të Drejtorisë së Policisë së Qarkut Elbasan në bashkëpunim me Efektivat e Pikës së Kalimit Kufitar Morinë këtyre shtetasve u janë gjetur dhe sekuestruar në cilësinë e provës materiale 5 aparate telefoni celular, 300 Euro, 4 pasaporta, automjeti tip Ford Fiesta me targa AA 113 DJ dhe tre karta identiteti.





Lajmet e fundit nga