web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore, gati projekti i "Kamerave në Lundër"

14 Qershor 2015, 12:45, Politikë CNA

Komisioni Qendror i Zgjedhjeve në kuadër të përgatitjes së zgjedhjeve të 21 qershorit, bën me dije se fletët e votimit, të cilat do të përdoren për zgjedhjet për organet e qeverisjes vendore, kanë mbërritur në datën 12 Qershor.    Brenda afateve kohore të përcaktuara nga KQZ, fletët e votimit u prodhuan nga kompania sllovene ?Cetis?, dhe janë depozituar në Magazinat e Lundrës sipas të gjitha procedurave ligjore. Së bashku me fletët e votimit, kanë mbërritur edhe shabllonët për zgjedhësit, të cilët nuk shikojnë, e që do t?i japin mundësi këtyre zgjedhësve të ushtrojnë të drejtën e votës, vetë dhe pa u asistuar nga të tjerë.

Është hera e parë që Komisioni Qendror i Zgjedhjeve arrin të përmbushë këtë angazhim me sukses, dhe në çdo Qendër Votimi, për të dy fletët e votimit, do të jenë të disponueshme shabllonët përkatës.     Aktualisht, Administrata e KQZ po punon intensivisht dhe është në fazën e përgatitjes së bazës materiale zgjedhore: kutitë me mjetet kancelarike, kutitë e votimit, kutitë e materialeve zgjedhore dhe i gjithë dokumentacioni i nevojshëm për mirë administrimin e procesit zgjedhor.

Pas përgatitjes së bazës materiale zgjedhor, do të vijohet me shpërndarjen e tyre në çdo KZAZ, e më pas në çdo Qendër Votimi.  Në funksion të rritjes së transparencës dhe besimit të subjekteve zgjedhore në procesin zgjedhor, KQZ ka implementuar projektin e ?Kamerave në Lundër?.    Ky projekt i realizuar me buxhetin e KQZ mundëson vëzhgimin dhe regjistrimin e të gjithë veprimtarisë që kryhet në magazinat e KQZ në Lundër. Gjithashtu, ky projekt mundëson edhe aksesin e subjekteve politike për të vëzhguar 24 orë online veprimtarinë në këto ambiente, ku administrohen baza materiale zgjedhore.





Lajmet e fundit nga