web counter
LEXO PA REKLAMA!

SHKARKO APP

App Store
Google Play

E fundit!

x

Dhuna ne Peqin, reagon PDIU: PD shpif

13 Qershor 2015, 17:21, Politikë CNA

Kundrejt akuzave të PD-së, në lidhje me ngjarjen e ndodhur ditën e djeshme në Peqin, ka reaguar PDIU. Kjo parti akuzon partinë opozitare për shpifje, ndërsa në lidhje me incidentin shton se kryetari i Komunës Karinë dhe enturazhi i tij kanë sulmuar dhe dhunuar fizikisht stafin teknik dhe mbështetësit e PDIU. ?I bëjmë thirrje prokurorisë, policisë dhe të gjitha organeve kompetente që të zbardhin sa më shpejtë këtë ngjarje të shëmtuar dhe çdo shpifje tjetër. Ndërkaq, hedhim poshtë me neveri shpifjet dhe shtrembërimin e realitetit, që serviri para qytetarëve Partia Demokratike, si shenjë e humbjes së sigurt që po ndjen në Bashkinë e Peqinit?,- thuhet në deklaratën e PDIU. Kjo parti e ka cilësuar si në shpifje të ulët deklaratën e Partisë Demokratike se po kërkohet regjistrimi i të burgosurve të Burgut të Peqinit në listat e zgjedhjeve. ?Ne i bëjmë thirrje kandidatit kundërshtar, që të vetëpërmbahet nga sulmet verbale dhe fizike ndaj mbështetësve të kandidatit të Aleancës për Shqipërinë Evropiane dhe të angazhohet në një fushatë civile dhe të përgjegjshme që i ka hije bashkëqytetarëve tanë në Peqin?,- vijon më tej deklarata e PDIU. Kjo parti i bën thirrje çdo qytetari të Peqinit të mos bjerë pre e provokimeve të ulëta të kundërshtarëve politikë. ?Askush nuk ka të drejtë të nxijë imazhin e qytetit tonë, me shpifje, provokime dhe sulme fizike. Ata do ta marrin përgjigjen e merituar më 21 qershor!?,- përfundon deklarata.





Lajmet e fundit nga