web counter
LEXO PA REKLAMA!

SHKARKO APP

App Store
Google Play

Greqi, zgjedhje, nëse nuk ka zbutje të kreditorëve

5 Qershor 2015, 12:14, Kosova & Bota CNA

E majta ekstreme brenda Qeverisë së Greqisë deklaroi se mund të thirren zgjedhje të parakoshhme në vend nëse kreditorët ndërkombëtarë nuk e lehtësojnë qëndrimin e tyre ndaj kushteve të vendosura për lëvrimin e këstit të fundit të paketës së shpëtimit financiar.
Paralajmërimi vjen nga zëvendësministri i Sigurisë Sociale, Dimitris Stratoulis, një ndjekës i vijës së ashpër brenda partisë qeverisëse Syriza, ndërkohë që Athina duhet të vijojë negociatat me kreditorët ndërkombëtarë.
Kancelarja gjermane, Angela Merkel tha se vota e tre institucioneve do të ketë peshë domethënëse për dhënien e këstit, për secilin shtet anëatar, por sigurisht në ndërkohë ka një mbështetje nga pjesëmarrësit që mund të miratojnë ose jo këstin.
?Nga njëra anë janë partnerët tanë të negociiimit të Greqisë, por nga ana tjetër eurogrupi duhet të vendosë në nivel ministrash të financave dhe një gjë e tillë do të votohet nga qeveritë e shteteve anëtare?, tha Merkel. Sipas saj, negociatat janë në mes të procesit dhe duhet pritur pak më gjatë. Ministri grek i Financave, Yanis Varoufakis tha se masat e kursimit të imponuara mbi Greqinë vetëm sa heqin zvarrë krizën ndërsa vendi ka nevojë për investime që të nisë rritjen ekonomike.
?Kjo krizë likuiditeti është politikisht e orkestyruar nga kredotrët tanë që përpiqen të na shtrydhin në një krizë pa fund?, tha ai.
?Ky vend, ky komb me një qeveri ndryshe, sheh sesi kanë shtuar borxh të dëmshëm mbi borxhin ekzistues e mbi bazën e kushteve të kursimit që reduktojnë të ardhurat nga të cilat ky borxh duhet të paguhet?, tha ai.
Disa nga pikat kyce të negociatave, që kreditorët duan të zbatohen janë shkurtime në pensione, rudhje e punonjësve civilë, reforma mbi taksën e të ardhurave dhe më pak rimbursim të taksave.
Athina ndërkaq, dëshiron objektiva më të ulëta për surplusin 0.8 për qind këtë vit dhe 1.5 për qind vitin e ardhshëm, ndërsa kreditorët kanë vendosur si kusht 1 dhe 2 përqind respektivisht.





Lajmet e fundit nga