web counter
LEXO PA REKLAMA!

SHKARKO APP

App Store
Google Play

Takim emergjent për krizën greke, kuarteti i druhet falimentit

2 Qershor 2015, 07:44, Kosova & Bota CNA

Krerët e Fondit Monetar Ndërkombëtar dhe Bankës Qendrore Europiane kanë mbajtur bisedime në Berlin në një përpjekje për të arritur marrëveshje me Athinën. Në takim morën pjesë edhe kancelarja gjermane, Angela Merkel, presidenti francez, Francois Hollande dhe kreu i Komisionit Europian, Jean-Claude Juncker.
Synimi është të dilet më një propozim final për t?ia paraqitur Athinës.
Kjo e fundit duhet të paguajë një këst prej 300 milionë euro për FMN ditën e premte.
Ka druajtja se Greqia nuk ka fondet e mjaftueshme për të paguar dhe mund të falimentojë për shkak të borxhit, që mund të rezultojë si hap final me daljen e saj nga eurozona.
vendi mbetet në ngërç me kreditorët ndërkombëtarë në lidhje me lëvrimin e këstit prej 7.2 miliardë euro të fondit të shpëtimit.
Fakti që shefja e FMN-së, Christine Lagarde dhe ai i BQE-së, Mario Draghi morën pjesë në takimin e Berlinit nënvizon seriozitetin e bisedimeve.
Të tre institucionet, FMN, BQE dhe Komisionit Europian dëshirojnë reforma të mëtejshme kursimi për të lëvruar këstin e ndihmës, të cilat qeveria greke e drejtuar nga radikali Aleksis Cipras, refuzon t?i kryejë.
Në një shkrim të botuar nga gazeta franceze Le Monde Cipras tha se qeveria e tij nuk ka faj për ngërçin. ?Eshtë për shkak të këmbënguljes së disa aktorëve institucionale për propozime absurde që shfaqin një indiferencë totale për zgjedhjen më të fundit demokratike të popullit grek?, shkruan ai.
Media njoftoi se Tsipras nuk u kontaktua gjatë zhvillimit të bisedimeve, Pas takimit, një zëdhënës i Merkel i tha agjencisë së lajmeve Afp se kuarteti ka rënë dakord të punojë intensivisht në ditët e ardhshme dhe se do të mbetet në kontakt.





Lajmet e fundit nga