E fundit!

08:24 Aktualitet

Protesta para Parlamentit/ Mobilizohet policia, vendoset gardh metalik

Policia ka nisur marrjen e masave për protestën që do të m...

Fenomenet “e çuditshme” që ju ndodhin gjatë gjumit

18 Maj 2015, 16:00, Lifestyle CNA

Gjumi kryesisht nuk është interesant, por ndonjëherë ndodhin gjëra të çuditshme të cilat mund të shkaktojnë konfuzion apo edhe frikë në shtratin tuaj. Megjithatë, edhe pse disa nga këto fenomene veprojnë ?çuditërisht?, prapëseprapë nuk janë shkak për shqetësim.

Në fakt, mjekët thonë se këto fenomene janë mjaft normale, por jo të këndshme, shkruan Zëri.

– Ndjenja e rrëzimit: Gjithashtu është i njohur si problem hipnagogjik dhe ndjenja e rënies apo përkeqësimit zakonisht ndodh vetëm kur zhyteni thellë në gjumë. Në përgjithësi, përderisa ëndërrojmë, trupi paralizohet tërësisht, por mund të ndodhë që të fillohet të ëndërrimi para se të kalohet në fazën e ngurtësisë. Gjatë problemit hipnagogjik mund të ndjeheni se jeni duke rënë nga një shkëmb, poshtë shkallëve, nga qielli, ose në ndonjë mënyrë tjetër. Edhe pse studiuesit në mbarë botën nuk janë ende në gjendje për të konfirmuar se cila është arsyeja pse te shumica e njerëzve shfaqet pikërisht ndjenja e rënies, ata konkludojnë se kjo shpesh ndodh kur një person është i lodhur dhe i rraskapitur.

– Të folurit në gjumë: Sipas akademisë amerikane të mjekësisë në lidhje me gjumin, rreth pesë për qind e meshkujve të rritur flasin në gjumë. Këto sesione të të folurit në jastëk zgjasin mesatarisht rreth 30 sekonda. Deri te kjo ndodh më shpesh në orën e parë ose dytë të gjumit, kur trupi hyn thellë në fazat e gjumit, por ende ka mjaft forcë në muskuj për të prodhuar tinguj apo lëvizje që shoqërojnë gjumin. Sigurisht, kjo nuk është e rrezikshme, nëse nuk keni frikë se mund të tregoni në gjumë ndonjë sekret të ruajtur mirë nga ju.

– Përsëritja e ëndrrave: Ndoshta ju ndodh që të shihni disa herë të njëjtën ëndërr. Kjo nuk është e pazakontë, shumë njerëzve iu ndodh ashtu. Mjekët shpjegojnë se zakonisht kjo ka të bëje me ndonjë problem psikologjik që nuk kemi mundur ta zgjidhim vetë. Ëndërrimi është mënyra ku truri përpunon disa informacione para se t?i ruaj ato si një lloj i përkujtimit.

– Seksi në ëndërr: Nëse ju ndodh ndonjëherë që të zgjoheni në mes të aktit, ta dini se nuk jeni i vetmi. Në një studim të kryer në 800 pacientë në qendrën me çrregullime të gjumit në Toronto, rreth tetë për qind e tyre pranuan se kishin marrëdhënie seksuale në gjumë. Në fakt, ky fenomen, i cili është quajtur ?seksomania?, do të thotë se personi i cili fle, inicion marrëdhënie seksuale me një partner. Ky fenomen është shumë i ngjashëm me somnambulizmin kurse mekanizmi është i njëjtë, trupi është i zgjuar, por mendja nuk është. Shumë njerëz zgjohen në mes të aktit dhe shumica nuk mbajnë mend asgjë, ose vetëm një pjesë të vogël. Ekspertët përmendin si arsyet e mundshme mund të jenë ëndrrat me përmbajtje seksi, ose dëshira e madhe për seks para se të shkoni për të fjetur.