web counter
LEXO PA REKLAMA!

SHKARKO APP

App Store
Google Play

E fundit!

x

Greqia, edhe dy javë kohë përpara falimentit

12 Maj 2015, 07:29, Kosova & Bota CNA

Ministri grek Janis Varufakis tha se situata financiare e vendit të tij është tmerrësisht urgjente dhe kriza mund të kulmojë për dy javë.
Kreu i financave greke, e dha këtë paralajmërim pas takimit të ministrave të financave të eurozonës në Bruksel, ku u diskutua kësti final prej 7.2 miliardë euro për Greqinë, shumë që ka mbetur pa u lëvruar nga paketa 240 miliardë euroshe e shpëtimit.
Ministrat njohën progresin e Greqisë mirëpo thanë se duhet edhe më shumë punë. Qeveria greke është në vështirësi për të përmbushur detyrimet e pagesave. Më herët, duke shpërndarë druajtjen se Greqia mund të falimentonte që këtë të mërkurë, Athina nisi transferimin e pagesës prej 750 milionë euro interesa borxhi ndaj Fondit Monetar Ndërkombëtar, një ditë përpara afatit të fundit.
?Çështja e likuiditetit është e një urgjence të tmerrshme. Dihet nga të gjithë, le të mos i biem rrotull?, tha Varufakis për gazetarët në Bruksel.
Nga perspektiva e kohës, sipas tij, mund të kenë mbetur ende edhe dy javë.
Greqia ka kohë deri në fund të qershorit për të arritur një marrëveshje me kreditorët, duke ofruar reforma në këmbim të këstit të ndihmës. Por financat e saj janë në gjendje aq të ëvshtirë sa Athina mund të kërkojë ndihmë në vende të tjera.
Kriza ka ringritur perspektivën që Greqia mund të falimentojë për shkak të borxhit dhe të largohet nga zona euro.
Eurozona këmbëngul në një regjim rigoroz reformash, ku përsfshihen reduktime në pensione, në këmbim të këstit të ndihmës, por qeveria që drejtohet nga të majtët radikalë të Syrizas po bën rezistencë ndaj këtyre kushteve.
Në një deklaratë, ministrat e Financave të eurozonës thanë se mirëpresin progresin që është arritur deri tani, por shtojnë se duhen më shumë përpjekje dhe kohë për të sheshuar kontradiktat që mbeten.





Lajmet e fundit nga