web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet lokale/ Topalli: Nuk ndërhyj në përzgjedhjen e asnjë kandidature

27 Mars 2015, 08:15, Politikë CNA

Ish-kryeparlamentarja Jozefina Topalli e ftuar në studion e ?Opinion? në News24 ka komentuar mbrëmë arrestimin e dy deputetëve Tom Doshi dhe Mark Frroku. Topalli shkoi në një linjë me ish-kryeministrin Berisha, kur tha se arrestimi i tyre është falso dhe bëhet për të mbrojtur Ilir Metën. Përballë deputetes së PD-së ishte kryeredaktori i ?Gazeta Shqiptare?, Tedi Blushi.
?Është një moment kyc, vendi ndodhet në udhëkryq, 3 javët e fundit është mbërthyer në një skenar ogurzi që ka në bazë akuzën e një deputeti, i cili akuzohet për sponsorizimin e vrasjes së dy deputetëve, gjëja është e paprecedentë, e padëgjuar. Ajo çfarë patë sot në Kuvend ishte maja e ajsbergut. Arrestimi i deputetëve, asgjë nuk ishte i paparalajmëruar. Ne e kemi dëgjuar, e kemi ndjekur me zë dhe me figurë. Ne e dimë çfarë po ndodh dhe cila është frika e vërtetë. Ngritja e akuzës për dëshmi të rreme, burgosja e deputetëve, kjo ndodhte 20 vite më parë, kjo përpjekje dëshpëruese për të fshehur në të vërtetë sponsorizuesin e vrasjes së dy deputetëve për të shpëtuar Ilir Metën. Ashtu është dhe në organizata mafioze, kur sulmohet bosi i bosëve, eliminohet ai që sulmon?, tha Topalli.

E pyeur nga gazetarja Nisida Tufa, nëse janë të vbërteta pretendimet e Mark Frrokut se ai e ka sponsorizuar në vitin 2004, Topalli tha se nuk e njihte fare në atë periudhë.

“I kam kërkuar Kuvendit një vit e 3 muaj më parë të shqyrtojnë rastin e tij, po gjykohej në Bruksel për një cështje të rëndë, përgjigja që kam marrë ka qënë një heshtje varri. Për të ardhur në pushtet përdorën çdo mjet dosja e Doshit u mbyll nga Ina Rama me urdhër të Ramës, që Doshi të fitonte betejën në Shkodër, që të fitonte zgjedhjet.” tha Topalli lidhur me pretendimet se u kërcënua me sms nga ky deputet.
Ndërsa për sa i përket pjesmarrjes në votim të deputetes Mesila Doda ditën e djeshme, Topalli nuk ka dashur t?a komentojë.
Lidhur me përzgjedhjen e kandidatëve për zgjedhjet lokale në Shkodër, Topalli tha:
?Më parë kam qenë pjesë e vendimmarrjes dhe tani nuk do të përfshihem. Nuk ndërhyj në përzgjedhjen e asnjë kandidature.?
E pyetur nga gazetarja nëse Sokol Olldashi i mungon PD-së, ajo tha se Olldashi që ka qenë një koleg mjaft i rëndësishëm i PD-së si në parti, ashtu edhe në Kuvend.





Lajmet e fundit nga