web counter
LEXO PA REKLAMA!

SHKARKO APP

App Store
Google Play

E fundit!

x

Doda: Pjesmarrja në votim, jo kundër grupit parlamentar, pro ndërgjegjes time

26 Mars 2015, 11:44, Politikë CNA

Deputetja demokratike Mesila Doda, e cila mori pjesë në votimin për heqjen e imunitetit të deputetëve Doshi dhe Frroku u shpreh për mediat se pjesmarrja në votim, nuk ishte një thyerje e vendimit të grupit Parlamentar demokrat. ?Grupi Parlamentar ka një mendim të cilin ndërgjegjia ime nuk e pranon? tha deputetja demokrate. Doda tha se votoi për t?i hapur rrugë një procesi për të cilin është pritur një vit, ndërsa shtoi se nuk mund të bëjmë lojra me kërkesën e Prokurorisë.

“Politikanët kanë detyrën që t?i shkojnë deri në fund bindjeve të tyre dhe unë do të doja që sot të votohej edhe për ata që janë akuzuar për vepra edhe më të rënda penale nga PD-ja. Këta dy deputetë gjithsesi, kanë qënë në grupin e atyre që kërkoheshin për dekriminalimin. Në kushtet kur grupi ka mendimin që të mos votojë në një rast të tillë, është mendim i tij. Kurse qëndrimi im është pro ndërgjegjës sime. Unë do të vazhdoj të qëndroj në respekt të bindjeve të mia se shqiptarët kanë nevojë për një politike ndryshe.

Unë nuk kam frikë nga asgjë dhe s?ka asgjë që të më mbajë peng. Flasim aq shumë për dekriminalizimin dhe kur na jepet rasti nuk ka pse të tërhiqemi.” deklaroi deputetja Doda.





Lajmet e fundit nga