“Toni” aludon se pas atentatit të tij qëndron Tom Doshi

18 Mars 2015, 13:09, Aktualitet CNA

Fatjon Skënderi, i akuzuar nga Tom Doshi se ka kontraktuar Durim Bamin që të vrasë atë dhe Mhill Fufin, thotë se akuzat janë të pabaza.

Ai mohon të ketë njohje me Ilir Metën, Monika Kryemadhin, Tom Doshin, apo prokurorin Eugen Becin.

Duke folur në një intervistë për ?Panorama?, ai thotë se këto akuza e kanë dëmtuar shumë.

Ai ndërkohë, komenton edhe atentatin që iu bë disa muaj më parë, kur u qëllua gjashtë herë për t?u vrarë.

Skënderi aludon se pas këtij atentati mund të ketë gisht pikërisht Tom Doshi.

Kjo, duke qenë se sipas tij, atentati ka ndodhur në kohën që është regjistruar edhe video e Durim Bamit në zyrën e Doshit, ku ai akuzonte pikërisht Skënderin, se e kishte kontraktuar për të vrarë dy deputetët.

?Unë në Gjermani kam ikur në datën 8 shtator 2014, sepse kisha lënë takim për një vizitë mjekësore për bashkëshorten time, e cila ende ndiqet nga mjeku i specializuar. Parashikoja që të kthehesha pas 2 javësh nga Gjermania, sapo të përfundonte trajtimi mjekësor i saj. Ndërkohë, marr vesh nga miku im Ymer Lala, i cili më merr në telefon dhe më kërkon që të më takojë urgjentisht. Vjen Ymeri në Gjermani dhe më thotë: ?më ka thirrur Tom Doshi në telefon dhe më ka thënë se Fationi është pjesë e një grupi që kërkon të më vrasë mua?.

Në moment u shokova, sepse isha në Gjermani për një problem shumë serioz shëndetësor dhe dëgjoja histori të çuditshme. I shqetësuar fillova të vras mendjen se përse lakohet emri im për gjëra dhe njerëz që s?kam pasur asnjëherë të bëj, as në jetë dhe as në biznes.

Mendja më shkoi tek atentati që më kishin bërë pak kohë më pare?, thotë ai.

?I shqetësuar fillova të vras mendjen se përse lakohet emri im. Mendja më shkoi tek atentati që më kishin bërë pak kohë më parë?, vijon Toni.

Ai thotë se Tom Doshi i ka dërguar sekserë për të pranuar variantin e tij dhe synimi i këtij plani, është destabilizimi i vendit.

?Toni si person është shumë i vogël për të hyrë në një skenar kaq të zi.

Kuptohet se kjo është një stisje që kërkon destabilizimin e vendit dhe ka politikanë të interesuar?, shprehet Fation Skënderi.