Qeveria “lufte” frontale Tom Doshit

8 Mars 2015, 10:32, Aktualitet CNA

Përplasjet brenda kampit socialist, kanë shaktuar një sulm mediatik por edhe ekonomik ndaj deputetit që tronditi mazhorancën, Tom Doshi.

Pas akuzave se Ilir Meta, ishte pas një skenari për eleminimin e tij dhe të deputetit demokrat Mhill Fufi, ndaj tij ka filluar ai që mund të quhet represion i pushtetit.

Që në momentin e parë kryeministri Rama, urdhëroi ministrat mos ja hapnin më telefonin kolegut të tyre që përmbysi rezultatet elektorale ne Shkodër. Pas këtij urdhri, mësohet se Drejtoresha e Tatimeve bllokoi disbursimin e TVSH-së për bizneset e Tom Doshit, doganat nga ana tjetër vazhduan me bllokime, gjoba dhe zgjatje procedurash.

Sapo deputeti artikuloi akuzat e para, mënjeherë kryeministri reagoi me disa levizje. Ai takon deputetët e Shkodrës dhe i porosit të dalin me rradhë kundër Tom Doshit. Një e nga një të gjithë artikuluan se Toma e kishte humbur mbështetjen si socialist. Asnjë nuk u tregua i sinqertë dhe dinjitoz për të artikuluar publikish prishjen e miqësisë të dy ?vllezërve? socialist Rama-Doshi, por me vrap shkuan te prishnin miqesine e tyre per kryeministrin. I vetmi që e deklaroi se u prishen dy miq dhe ky nuk ishte problem socialistesh, ishte deputeti Ben Blushi.

Pas këtyre ngjarjeve dhe kalimit të cështjes në prokurori, apo artikulimit të akuzave politike, koha ecën por kryeministri Rama nuk mund ta lerë me kaq, te vazhdoje me politikën dhe të lejojë drejtësinë të bëjë punën e saj. Rama do hakmeret ndaj mikut të tij. Hakmarja nuk është vetëm me akuza për inkriminim, apo duke e bërë mikun e tij demokrat dhe njeri të Berishës. Këto akuza nuk kanë ngjitur as tek socialistët dhe as ne opinion publik. Tashmë të gjithë janë të qartë se Tom Doshi po sulmohet politikisht nga Edi Rama për të mbrojtur Ilir Metën. Mbrojtja e kreut të kuvendit është jetike, me largimin e tij bie qeveria. Ky është halli i Ramës, të mbajë qeverinë në këmbë dhe për këtë ai mund të shesë dhe shkatërrojë kë ti dalë përpara. Prandaj fillon goditjet frontale ku dhe si te mundet.

Dje në mbremje u njoftua për ndalimin e administratores të komanisë Infood, një kompani që rezultonte aksioner dhe Tom Doshi në vitin 2014. Pas tatimeve me TVSH, doganës me bllokime e gjoba, vjen me shpejtësi sulmi në një biznes jo me gjobë por me arrestim këtë herë. Kuptohet ne zbatim te ligjit, po dje ku ishte ligji? Apo ai abatohet vetem kur flet Maliqi (Rama)?

Tom Doshi në intervistën e tij me gazetarin Sokol Balla tha se kishte marë 2.3 milion dollar gjobë nga qeveria e Sali Berishës, vetëm sepse punonte dhe sponsorizonte Partinë Socialiste. Tani socialistët e tij janë në pushtet dhe kanë filluar një ?luftë? frontale me Tomën sepse ai akuzoi qeverinë më parë për paaftësi dhe korrupsion dhe më pas kreun e kuvendit Ilir Meta si porositës të eleminimit të tij fizik.

?Lufta? vazhdon dhe gjithmonë ka viktima, biznesi Infood ishte i pari.

Elvi FUNDO