Greqi/ Zbulohen te tjere politikane me depozita te fshehura bankare

8 Mars 2015, 09:53, Aktualitet CNA

Reagime te medha ne skenen politike greke ka ngjallur lajmi se Gikas Hardhuvelis ish ministri grek I Financave ne qeverine e meparshme Samaras, eshte nje prej dhjetera politikaneve qe kane cuar parate e tyre ne depozitata e bankave te huaja,ne disa raste edhe duke mos I deklaruara fare ato.

Sipas gazetes te se dieles Realnews per ish ministrin konservator ne fjale, ka filluar nje hetim nga prokuroria e cila ka kerkuar nga parlamenti kontrollin e deklarimit te pasurive te tij ne vitet e fundit pasi dyshohet per evasion fiscal. Ne baze te kerkeses per hetim ne maj te vitit 2012, kur Hardhuvelis ishte keshilltar i ish kryeministrit te perkohshem Lukas Papadhimos, ka hapur nje llogari bankare ne banken HSBC ku ka depozituar rreth 500.000 dollare.

Pese dite me vone ,brenda nente diteve qe pasuan ,ne periudhen midis dy fushatave zgjedhore,ai ka bere 56 pagesa ne te njejten banke me shuma deri ne 9800 euro ne menyre qe ti shmangej kontrollit bankar. Sipas gazetes ne shenjestren e organeve greke ne kuadrin e luftes ndaj evazionit fiskal ndodhen edhe depozita te politikaneve greke te tjere ne bankat e huaja me vlere mbi 10 mld euro.

Gazeta tjeter ?Parapolitika? ka publikuar nje liste me emrat e 38 politikaneve greke midis tyre ish kryeministra,lidere te partive, ministra ne detyre ose jo, si dhe shumat e disa prej depozitave te tyre bankare ne bankat e huaja. Midis emrave qe bien ne sy jane ato te ish kryeministrit Lukas Papadhimos dhe Kostas Simitis, liderit te PASOKut Evangjelos Venizellos, ish ministres se Jashtme Dora Bakojanis etj.

Publikimet per depozitat e politikaneve jashte shtetit vijne ne nje moment kur ne Greqi po zhvillohet gjyqi ndaj ish ministrit te Financave ne qeverine Papandreou ,Jorgos Papakonstandinou ne lidhje me listen e shumeperfolur Legarde. Sipas aktakuzes ish-ministri ka hequr nga lista me 2062 emra depozituesish nga qarqet politike dhe mediatike te Greqise ne banken HSBC, emrat e tre te afermve te tij per tju shmangur evazionit fiskal, ndersa edhe per te tjeret, pergjate detyres se tij nuk eshte kryer asnje kontroll ne se ishin evazore apo jo.

Vleresohet se edhe jashte qarqeve politike, ne Greqi ekziston nje evazion fiskal teper I madh, edhe nga bizneset e vogla dhe te mesme qe perllogaritet ne mbi 30 mld euro. Ne kete kuader vjen edhe propozimi i shumeperfolur i ministrit aktual te Financave Varufakis ndaj huadhenesve, per te punesuar perkohesisht inspektorë tatimorë amatore, si turiste, studente dhe amvisa te pajisur me kamera te fshehta dhe pajisje pergjimi, si pjese e nje skeme per te denoncuar shmangien e taksave dhe mashtrimet financiare.