web counter
LEXO PA REKLAMA!

SHKARKO APP

App Store
Google Play

E fundit!

x

Mbyllen dyert e universiteteve, departamentet do caktojnë kuotat e pranimit

8 Mars 2015, 08:08, Aktualitet CNA

Në vitin e dytë të mandatit, mazhoranca qeverisëse ka ndryshuar mënyrën e pranimit të studentëve në universitete, duke rrëzuar praktikën e shqyerjes së dyerve për këdo.  Ligji i vjetër i jep të drejtën Ministrisë së Arsimit të propozojë kotat dhe ato miratohen më pas nga qeveria, ndërsa drafti u jep të drejtën departamenteve në fakultet të përcaktojnë kuotat. ?Departamenti propozon programet e studimit si edhe numrin e studentëve për çdo program, në përputhje me kapacitetet akademike dhe infrastrukturore të tij, sipas standardeve të cilësisë?, thuhet në pikën 5 të nenit 24 në pr/ligjin për arsimin e lartë në vend.

Drafti i vjetër i ministrisë u kundërshtua ashpër nga stafi pedagogjik, të cilët janë shprehur se po u hiqej autonomia. Për këtë arsye, ministria u detyrua të ndërhyjë në draft dhe ka bërë një serë ndryshimesh në interes të fakulteteve. Ndryshimet e reja u kanë dhënë në këtë mënyrë shumë të drejta departamenteve, të cilat sipas ligjit Nr.9741, datë 21.5.2007 nuk i kanë pasur. Një tjetër e drejtë e departamenteve është edhe përcaktimi i kritereve të pranimit. ?Departamenti përcakton kriteret e pranimit të studentëve për secilin program studimi, në përputhje me përcaktimet e këtij ligji, si dhe përzgjedh studentët fitues, të cilët miratohen nga drejtuesi i njësisë kryesore?, vijohet në draftin e ri. Ligji shprehet gjithashtu se departamenti menaxhon fondet bazë të kërkimit shkencor apo fonde të tjera që gjenerohen nga burime të ligjshme, publike ose jopublike, kombëtare ose ndërkombëtare.





Lajmet e fundit nga