E fundit!

13:55 Aktualitet

Shtyhet afati i skemës kombëtare/ Salla: Në vijim diskutimet për IPARD

Ministri i Bujqësisë, Andis Salla, njoftoi shtyrjen me 10 ...

Ministria e Brendshme: Opozita hedh baltë punën e Policisë së Shtetit

1 Mars 2015, 16:31, Aktualitet CNA

Ministria e Punëve të Brendshme ka reaguar lidhur me pretendimin e opozitës se policia kadhunuar pa shkak një qytetar në mjediset e Komisarisatit. Në deklaratë thuhet se Edi Paloka pretendoi se Orest Deda është dhunuar nga Policia, e madje tregoi edhe nje foto me shenja në fytyrë, por përfaqësuesi i opozitës nuk shpjegoi se si këto shenja ishin zhdukur nga fytyra e Dedës brenda pak orësh.”

Deklarata e plotë:

“Sot, opozita akuzoi sërisht policinë se ka dhunuar pa shkak një qytetar në mjediset e Komisarisatit, por sërish nuk tha as të vërtetën dhe madje as identitetin e ?viktimës?. E vërteta është se shtetasi Orest Ded Deda, 32 vjeç, banues në Zallherr të Tiranës, është shoqëruar në Komisariatin Nr.5 të Tiranës në datë 28.02.2015, i akuzuar se ka marrë pjesë në protestë të paligjshme në Kamëz, duke organizuar disa persona për të penguar qarkullimin e mjeteve në aksin rrugor pranë Institutit Bujqësor në Kamëz.

Pasi janë kryer veprimet procedurale për këtë shtetas është vendosur ndjekja penale në gjendje të lirë, për veprat penale ?Organizimi dhe pjesmarrja në grumbullime e manifestime të paligjshme? dhe ?Pengimi i qarkullimit të mjeteve të transportit?, vepra penale të parashikuara nga neni 262 dhe 293, i Kodit Penal.

Megjithëse Edi Paloka pretendoi se Orest Deda është dhunuar nga Policia, e madje tregoi edhe nje foto me shenja në fytyrë, përfaqësuesi i opozitës nuk shpjegoi se si këto shenja ishin zhdukur nga fytyra e Dedës brenda pak orësh. Policia e Shtetit ka marrë vetëm një ankesë nga të shoqëruarit në komisariat pas protestës, ankesë sipas të cilës njërit prejt të shoqëruarve që protestonin për energjinë elektrike, gjatë shoqërimit nga policia i ishte thyer një pajisje elektronike, tabletë Ipad.

Ministria e Punëve të Brendshme i kërkon opozitës t?i japë fund këtij teatri me persona të manipuluar dhe të heqë dorë nga përpjekjet për përbaltjen e Policisë së Shtetit. Qëndrimet e PD-së shkojnë në dëm të respektimit të ligjit nga të gjithë qytetarët dhe shtetit të së drejtës që synojmë të vendosim. Në qoftë se opozita ka gjetur sulmin ndaj Policisë së Shtetit si rrugë për të fituar vota, po i bën nder vetëm shkelqësve të ligjit dhe përfaqësuesve të botës së krimit.”