web counter
LEXO PA REKLAMA!

SHKARKO APP

App Store
Google Play

E fundit!

x

Rama takon sërish Metën, zbardhen emrat e kandidatëve

25 Shkurt 2015, 16:18, Politikë CNA

Kryeministri Edi Rama dhe Kreu i Kuvendit Ilir Meta zhvilluan takimin e rradhës në mjediset e Kryesisë së Parlamentit, ndërsa burimet konfirmojnë për TemA se në qendër të bisedës ishte formula me të cilën dy partitë kryesore qeverisëse në vend do të dalin në zgjedhjet vendore të 21 qershorit. Ky është takimi i trete brenda 3 javëve të fundit që kreu socialist dhe ai i LSI zhvillojnë mes tyre. Burime nga LSI konfirmojnë se deri më tani është rënë dakord që në Bashkinë e Fierit dhe në atë të Pogradecit të kandidojnë emra të përzgjedhur nga kjo parti, ndërsa në Shkodër pritet të kandidohet Keti Bazhdari, e propozuar nga Partia Socialiste. Ndërkohë, mësohet se në Pogradec, LSI ka propozuar Roshi Tollozhanin, aktualisht kryetar komune, ndërsa në Fier është propozuar Robert Bitri, deputet i LSI, por që më parë ka mbajtur detyrën e Prefektit të Fierit. Pak ditë më parë Meta njoftoi këto takime me kryeministrin Edi Rama, duke u shprehur se do të shkëmbehen mendime për ndërtimin e procesit që do të synojë cilësinë e kandidatëve dhe jo kënaqjen e oreksit të njërës apo tjetrës parti, apo edhe të kandidatëve.





Lajmet e fundit nga