web counter
LEXO PA REKLAMA!

SHKARKO APP

App Store
Google Play

E fundit!

x

Ata që punojnë shumë bëhen pijanecë

15 Janar 2015, 16:34, Lifestyle CNA

Njerëzit që punojnë më tepër se 48 orë në javë janë më të prirur për të patur një marrëdhënie intensive me alkoolin.

Të paktën kështu thotë studimi më i fundit i kryer në lidhje me këtë çështje.

Më shumë se 14 pijë alkoolike për femrat dhe më shumë se 21 pijë alkoolike për meshkujt konsiderohen të rrezikshme dhe nga qejfllinj të pijes kalohet në pijanecë të rëndomtë.

Konsumi më i madh se kjo sasi sjell disa probleme me shëndetin si: kanceri, sëmundjet e zemrës, problemet mendore dhe sëmundjet e mëlçisë.

Sipas rregullave europianë të punës, askush nuk duhet të punojë më shumë se 48 orë në javë përfshi dhe orët shtesë.

Por shumë njerëz megjithatë punojnë më tepër se 48 orë për arsye të ndryshme, për rritje rroge, rritje në detyrë apo thjesht për të mbaruar punën e tyre.

Edhe më herët janë gjetur lidhje midis orëve të shumta të punës dhe konsumit të lartë të alkoolit.

Një gotë verë ndihmon në heqjen e stresit dhe relaksimin, por vështirësitë në punë dhe orari i zgjatur mund të çojë në konsum të tepërt të alkoolit.

Profesoresha Marianna Virtanen nga Instituti Finlandez i Shëndetit kreu këtë studim për të parë lidhjen midis orëve të shumta në punë dhe konsumit të madh të alkoolit.

Për studim u morën 333 mijë e 693 persona në 14 shtete të ndryshme të Europës.

U pa se ata që punonin më shumë kishin një kosum 11 përqind më të lartë se pjesa tjetër.

Përsonat që punonin 49-54 orë në javë kishin një konsum 12 përqind më të lartë se ata që punonin deri në 40 orë në javë ndërsa ata që punonin mbi 54 orë në javë konsumonin 13 përqind më shumë alkool.

?Vendi i punës është shumë i rëndësishëm për të ndaluar keqpërdorimin e alkoolit pasi më shumë se gjysma e të rriturve punojnë. Ashtu si dhe në shoqëri njerëzit që na rrethojnë ndikojnë në zakonet e reja që ne marrim?, tha profesoresha Virtanen.





Lajmet e fundit nga