web counter
LEXO PA REKLAMA!

SHKARKO APP

App Store
Google Play

Sony hap dyqanin nënujor në Dubai

6 Dhjetor 2014, 19:48, Aktualitet CNA

Para disa muajsh ju njoftuam se Sony po planifikon të hapë një dyqan nënujor për të treguar mbrojtjen që ofrojnë telefonat Xperia. Kompania njoftoi zyrtarisht, nëpërmjet llogarisë së saj në Twitter, hapjen e këtij dyqani në Dubai. Dyqani do të qëndrojë i hapur vetëm për tri ditë dhe do të mund të hyjnë aty vetëm ata që fitojnë konkursin e Sony-t, mediat dhe personat e famshëm. Vizitorët do të shoqërohen nga zhytës të trajnuar, meqë dyqani është vendosur 4 metra nën ujë. Sony do të ofrojë kasa speciale për zotëruesit e telefonave Xperia Z2 dhe Xperia Z3, meqë këta telefona inteligjentë mund të rezistojnë në një thellësi prej 1.5 metrash e ndërsa dyqani gjendet 4 metra nën ujë. Sony do të demonstrojë disa pajisje në këtë dyqan. Ky dyqan nuk është ndoshta më i përshtatshmi për të shkuar, megjithatë është një mënyrë e mirë marketingu për pajisjet e Sony-t. Sony ka qenë kompania e parë e cila ka krijuar telefona inteligjentë dhe tabletë që ishin rezistent ndaj ujit, duke filluar me Xperia Z dhe Xperia Tablet Z të prezantuar në fillim të vitit 2013. Pajisjet më të fundit të kompanisë, Z3, Z3 Compact dhe Z3 Tablet Compact, kanë një nivel më të madh të rezistencës, pasi kanë marrë certifikimin IP 68. Kompania ka promovuar disa herë pajisjet e saj në mënyra të çuditshme, për të treguar se ato janë rezistent ndaj ujit. Kështu, Sony shiti luajtësit muzikor MP3 brenda një shishe uji apo telefonin inteligjent Xperia Z3 brenda një kutie me ujë, për të provuar se janë rezistent ndaj ujit.





Lajmet e fundit nga