web counter
LEXO PA REKLAMA!

SHKARKO APP

App Store
Google Play

Gazetari Artur Çani rëfen tentativën për atentat

1 Dhjetor 2014, 23:00, Aktualitet CNA

Gazetari Artur Çani ka rrëfyer atentatin që është tentuar t?i bëhet mbrëmjen e djeshme.

Ai ka thënë se fillimisht nuk e ka kuptuar që i është bërë atentat.

Këtë gjë ai e ka kuptuar vetëm kur një djalë i pallatit i ka thënë se kishte parë një person me armë.

Ai ka parë kamerat dhe vetëm aty ka parë se një person ka tentuar ta qëllojë.

Herën e parë atij iu bllokua pistoleta, ndërsa kur po bëhej gati ta qëllonte për herë të dytë, Çani ishte futur në ashensor.

?Ngjarjen e kam parë nga kamerat, vetë nuk kuptova gjë fillimisht.

Një djalë i pallatit e kishte parë personin me armë në dorë.

Unë isha në ashensor dhe po ngjitesha në banesë, kur dëgjova një zhurmë, por nuk u shqetësova.

Kur e pashë më vonë në kamera, ai kishte shkrepur armën, por ajo u bllokua.

Kur tentoi për herë të dytë, unë isha futur në ashensor.

Për fat shpëtova.

Më pas mora në telefon ministrin Samir Tahiri, i cili më siguroi mbështetje.

Më pas më mori në telefon edhe kryeministri Rama, i cili më tha se jetëgjati nuk bëhet jetëshkurtër.

Nuk kam pasur presione dhe nuk besoj se ngjarja ka lidhje me emisionin që unë bëj.   

Unë do ta vazhdoj emisionin tim.

Shteti duhet të më sigurojë mbrojtje?, ka thënë Çani.





Lajmet e fundit nga