Lufta e “ krundeve” e Devollit me Ramën e Metën

6 Tetor 2014, 22:00, Aktualitet CNA

Krundet që deri më tani ishin eksportuar në Shqipëri si miell, gati se tërësisht, nga Hambari ?M-Silosi?, tashmë në pronësi të ?oligarkisë? Devolli, janë bërë shkas i një luftë të re tregtare ndërmjet Shqipërisë dhe Kosovës, e më saktësisht mes Devollit dhe Ilir Metës e Edi Ramës, sipas të dhënave që i ka Gazeta Blic.

Nuk bëhet fjalë për copa të vogla parash- por në fakt për miliona, të cilat tash ?M-Sillos?, si eksportuesi kryesorë ( me gjasë edhe i vetmi, por mungojnë të dhënat për këtë) nuk mund ti merr më. Tetë milion euro ka qenë eksporti i miellit nga Kosova në Shqipëri gjatë viti 2013, mësonGazeta Blic nga të dhënat e Entit të Statistikave të Kosovës (ESK).

Jo vetëm ESK, por as edhe Doganat e Kosovës nuk ofrojnë të dhëna se kush janë eksportuesit, por me një ?tahmin? ekspertë të ekonomisë që janë konsultuar nga Gazeta Blic, thonë se ato janë të M-Silos, nëse jo me 100 për qind- atëherë me një tërësi absolute.

Çfarë bëri Shqipëria

Qeveria e Shqipërisë, respektivisht Edmond Panariti, si ministër i bujqësisë ka njoftuar gjatë vikendit se si pasojë e zbatimit atje të një Rregulloreje të BE-së, në Shqipëri nuk do të mund të eksportohet miell me përmbajtje më të vogël se 12.5 për qind proteina.

Rregulloret e Bashkimit Evropian e trajton një përmbajtje të tillë, më të ulët, si ?krunde?. Përderisa mielli dhe gruri për miell, përdorët në ushqim për njerëzit, në anën tjetër ?krundet? kryesisht përdoren si ushqim për shpezët dhe kafshët. Jo vetëm që nuk përdorën te njeriu, por tashmë në BE dhe kudo tjetër kafshët dhe shpezët, me etiketën ?BIO? që nënkupton edhe se nuk janë ushqyer me ?krunde?, të jenë më të shëndetshme dhe më të kërkuara përkundër çmimit më të shtrenjtë.

Kush është M-Silosi

Fabrika e miellit (Hambari i grurit) M-Silosi, është praktikisht prodhuesi i vetëm në Kosovë- përkundër faktit se ka disa kompani të tjera të vogla që paketojnë miell të importuar dhe e shesin me emrin tregtarë të tyre ose dhe ndonjë që mund të prodhojë me pakicë.

?M & Silosi është mulliri më i madh në Kosovë, i cili ka një kapacitet për bluarje prej 200 tonelatash në ditë dhe një kapacitet të siloseve prej 55.000 tonelatash me grurë. Investimet që janë bërë në përmirësimin e teknologjisë kanë ndikuar dukshëm në rritjen e kapaciteteve të reja prodhuese të miellit, duke e bërë njërën nga kompanitë më të fuqishme prodhuese në Kosovë. Privatizimi i M & Silosit dhe investimet e zotuara janë treguesi më i mirë se procesi i privatizimit të ndërmarrjeve shoqërore është një proces që i ka ndihmuar zhvillimit ekonomik të Kosovës?, shkruan në faqen e internetit të Agjencisë Kosovare të Privatizimit.

Ajo është privatizuar vite më parë nga biznesmeni kontrovers me prejardhje nga Maqedonia, Edmond Kërliu, dhe para pak kohësh është blerë nga ?Devolli Corporation?, që është në pronësi të Shkëlqim Devolli, njërit nga oligarkët e familjes Devolli nga Peja.

Marrë nga gazeta Blic