E fundit!

11:41 Aktualitet

Kontroll në burgun e Drenovës/ Laert Haxhiu kapet me telefon në qeli

Kontrolle blic janë zhvilluar në orët e para të mëngjesit ...

Shishe kokës deputetit të PS, konfrontimi ne festën partizane të Poçemit

26 Korrik 2014, 22:09, Politikë CNA

Deputeti i Partisë Socialiste, Pirro Lutaj është goditur me shishe birre nga drejtuesit e LSI-së Mallakastër. Ngjarja ka ndodhur më 13 korrik 2014, në fshatin Poçem ku po festonin 71-vjetorin e Besëlidhjes së Poçemit në luftën Antifashiste Nacionalçlirimtare.

Në atë fshat të vogël në mes të kodrave, çdo vit mblidhen qytetarët dhe drejtuesit e kësaj zone për të festuar dhe përkujtuar trimërinë dhe krenarinë e zonës mallakastriote për luftën kundër pushtimit fashist.

Më 2014, 71 vite më vonë, po burrat që drejtojnë Mallakastrën u mblodhën në të njëjtin fshat të vogël, por të përçarë në interesa personale.

Drejtues të PS dhe LSI të zonës janë mbledhur për të kujtuar këtë datë historike për zonën. Të pranishëm kanë qenë drejtues të LSI të Ballshit dhe Mallakastrës, ndërsa nga PS ka qenë i pranishëm deputeti i zonës, Pirro Lutaj si dhe përfaqësues të tjerë të PS.

Debatet kanë nisur për punësimet në zonë. Duke qenë se Rama ia ka besuar pjesën më të madhe të menaxhimit të zonës deputetit Lutaj edhe debatet kanë nisur me të.

Fillimisht debatet kanë qenë me tone të ulëta, por më pas në tryezë tonet janë ngritur. Përfaqësuesit e LSI janë ndjerë të braktisur në këto emërime që po bëhen në Fier dhe i kanë kërkuar shpjegime Lutajt. Debatet kanë degjeneruar në sharje dhe ofendime personale mes përfaqësuesve të PS dhe LSI. Të dy palët kanë nisur konfrontimet fizike me njëri-tjetrin. Në këtë moment drejtuesi i LSI të zonës ka qëlluar me shishe birre në drejtim të Lutajt.

Prapaskenat e këtij sherri janë rrjedhojë e vendosjeve dhe uzurpimi i drejtorëve si dhe punësimin e militantëve sipas interesave.

Këta drejtues që në këtë qytet shkojnë për fushatë elektorale ose për të ngrënë ndonjë copë mishi, harrojnë se qytetarët nuk kanë nevojë të dinë se kush është më i forti prej tyre, pasi presin punësim dhe siguri të jetës.

Marrëdhëniet mes Ramës dhe Metës janë të mira në qendër, por në bazën e partisë konfliktet janë të forta. Bëhet fjalë për zona influence dhe punësime njerëzish që janë të zhgënjyer nga qeveria e PS-LSI në këto 300 ditë.

ekspres.al