E fundit!

12:05 Politikë

“Mos më thuaj mua e dashur”/ Debate në komisionin për Reformën Zgjedhore: Je bardh e zi në mendje

Komisioni për Reformën Zgjedhore u shoqërua me debate mes ...

Gjiknuri firmos prishjen e 14 kontratave koncesionare për ndërtimin e 30 hidrocentraleve

25 Korrik 2014, 13:50, Politikë CNA

Ministri i Energjisë dhe Industrisë, Damian Gjiknuri ka firmosur fillimin e procedurave për prishjen e 14 kontratave koncesionare për ndërtimin e 30 hidrocentraleve.

Shkak është bërë pasi gjatë kontrollit të këtyre kontratave, janë konstatuar probleme në raport me zbatimin e detyrimeve ligjore.

Sipas Ministrisë së Energjitikës, ?gjatë proçesit të verifikimit të përmbushjes së detyrimeve kontratore, janë vërejtur një numër jo i vogël shkeljesh të kushteve kontratore të cilat lidhen jo vetëm me fazat e lartpërmendura por edhe me veprimtarinë proçeduriale të realizimit të këtyre marrëveshjeve koncensionare, si dhe me monitorimin e zbatimit të këtyre kontratave.

Ministria e Energjisë ka konstatuar në këtë grup HEC-esh: vonesa në zbatimin e kushtit të krijimit dhe regjistrimit të shoqërisë koncensionare pranë QKR-së; vonesa në paraqitjen projekteve të zbatimit dhe të miratimit të tyre; vonesa të theksuara dhe të pajustifikueshme nga shoqëritë koncensionare në zbatimin e kontratës koncensionare, ndikuar edhe nga probleme me ?ambientin rrethues vendor?; amendime të shpeshta të kontratave dhe në shumë raste transferim kuotash me apo pa miratimin e Autoritetit Kontraktor; mos përfshirje të vërejtjeve apo propozimeve për përmirësimin e kushteve dhe klauzolave të kontratave të paraqitura nga organet e oponencës teknike apo institucionet e tjera, gjatë fazës së miratimit të projektvendimeve në Këshillin e Ministrave?.

?Nga verifikimet janë konstatuar në këtë grup HEC-esh edhe cilësi e ulët e investitorëve (nga pikpamja teknike, ekonomiko-financiare) si dhe mungesa të theksuara të zbatimit të legjislacionit për shoqëritë tregtare. Praktikat proçeduriale të zbatuara dhe monitoruara nga Grupe Pune dhe jo struktura te konsoliduara shteterore, ekspertizë dhe oponencë tekniko-ekonomike të kryer nga struktura pa pergatitjen e duhur dhe pa konsulence nderkombetare, pjeserisht nga AKBN dhe Instituti i Ndertimit, etj. Kjo është faza e parë e kontrollit ndërsa po vazhdohet me auditimin e të gjitha kontratave koncesionare për të parë përputhshmërinë e tyre me detyrimet ligjore?, vijon njoftimi.

Lista e kontratave që do prishen

1. H/C Egnatia

2. H/C Qytezë

3. H/C Domaj

4. H/C Stebleve

5. H/C Tucep 2

6. H/C Labinot Mal

7. H/C Gomsiqe 1,2

8. H/C Sheba 1,2,3,4

9. H/C Bence dhe Tepelene

10. H/C Qafeshuli 1,2,3,4, Sheja e Librazhdit

11. H/C Nishova 1,2