web counter
LEXO PA REKLAMA!

SHKARKO APP

App Store
Google Play

Fier, ekspertizë të re trupit të Ilia Karelit, familjarët do protestojnë në qendër të qytetit

30 Mars 2014, 22:00, Aktualitet CNA

Trupi i pa jetë i Kudret Kumes, i njohur në Greqi si Ilia Kareli, shqiptari që humbi jetën në burgun e Nigritas, ka mbërritur dje në Shqipëri, në fshatin Zhupan të Fierit, ku do të organizohet ceremonia mortore. Ndërkohë ditën e sotme trupi i pajetë i Ilia Karelit po i nënshtrohet një ekspertize mjeko-ligjore në morgun e Fierit, pas pretendimeve të familjarëve se e kanë keqtrajtuar në mënyrë monstruoze, deri sa i kanë shkaktuar vdekjen në burgun grek. Mësohet se para ceremonisë së varrimit, familjarët do protestojnë në qendër të qytetit me trupin e të ndjerit, në shenjë proteste për këtë akt. 
Ilia Kareli u gjet i vdekur mbrëmjen e 27 marsit në qelinë e burgut të Nigritas në Serres, ku ishte transferuar për izolim dhe mbrojtje, pasi vrau me thikë më 25 mars gardianin e burgut të Malandrinos. Rezultatet e autopsisë së trupit të 42-vjeçarit treguan se vdekja e tij erdhi si pasojë e traumave nga goditjet. Sipas ekspertizës mjeko-ligjore Kareli kishte thyerje në kafazin e kraharorit dhe lëndime të shumta në trup. Në Greqi kanë nisur hetimet mbi çështjen, po merren në pyetje gjithë zyrtarët e burgut, po këqyren kamerat e sigurisë, si dhe dokumentacioni i burgut.





Lajmet e fundit nga