web counter
LEXO PA REKLAMA!

SHKARKO APP

App Store
Google Play

Hakerët vënë në shënjestër produktet e “Apple”/ Kompania merr masa të menjëhershme

20 Gusht 2022, 08:46, Tech CNA
Hakerët vënë në shënjestër produktet e
Foto ilustruese

"Apple" ka bërë një përditësim për të rregulluar mangësitë e sigurisë në pajisjet e saj “iPhone”, “iPad” dhe “Mac”, pasi mendohet se hakerat i kanë vënë në shënjestër dhe mund t'i kenë "shfrytëzuar në mënyrë aktive".

Kompania e teknologjisë tha se softueri i ri "siguron përditësime të rëndësishme të sigurisë dhe rekomandohet për të gjithë përdoruesit".

Duke shfrytëzuar mangësitë e sigurisë, ekspertët e industrisë mendojnë se hakerat mund të marrin kontrollin e plotë të pajisjeve.

Përditësimi është vënë në dispozicion për “iPhone 6s” dhe versionet më të reja, “iPad Pro”, “iPad Air 2” dhe “iPad”-et e gjeneratës së 5-të.

Gjithashtu ndryshimet janë të disponueshme për “iPad mini 4” dhe versionet e mëvonshme, si dhe “iPod touch”.

“Apple” tha se hakerët përdorën defektin për të depërtuar në “WebKit”, motorin që fuqizon shfletuesin e internetit të “Apple Safari”. Kompania e teknologjisë tha se shfrytëzimi mund të përdoret nga hakerat nëse përdoruesi ka akses në "përmbajtjen dashakeqe që shëpërndahet në internet".

Deri më tani nuk ka pasur raporte të konfirmuara për raste specifike, ku defekti i sigurisë të jetë përdorur kundër njerëzve ose pajisjeve./ B.A. – CNA.al





Lajmet e fundit nga