E fundit!

14:17 Politikë

Reforma Territoriale/ Berisha paralajmëron Ramën: Do ngrejmë Shqipërinë në këmbë

Kreu i PD-së Sali Berisha ka folur për shtyrjen e afatit p...

Zyrtarizohet firma, zbulohet e ardhmja e Musiala

14 Shkurt 2025, 16:12, Sport CNA

Jamal Musiala dhe Bayern Munich kanë firmosur mes tyre zgjatjen e kontrës, deri në verën e vitit 2030. Ky rinovim i jep fund të gjitha spekulimeve për një largim të mundshëm të talentit 21-vjeçar, i cili ishte objektiv i shumë klubeve të mëdha evropiane. Bayern ka blinduar një nga lojtarët më të rëndësishëm të skuadrës dhe një nga talentet më premtues të futbollit botëror për vitet në vazhdim.

Musiala, i cili më parë kishte një kontratë të vlefshme deri në qershor të vitit 2026, ka vendosur të vazhdojë rrugëtimin e tij në Mynih, duke treguar besnikëri ndaj klubit që e formoi dhe i dha mundësinë të shpërthente në elitën e futbollit evropian.

Pas nënshkrimit të marrëveshjes, lojtari u shpreh entuziast për të ardhmen e tij me Bayern-in.

“Jam shumë i lumtur. Bayern është një nga klubet më të rëndësishme në botë, këtu kam hedhur hapat e mi të parë në futbollin profesionist dhe jam i bindur se mund të arrij gjëra të mëdha me këtë klub në vitet e ardhshme.”, u shpreh ai.

Musiala është lojtari i tretë që ka rinovuar me Bajernin në një kohë të shkurtër, pas Manuel Nojer dhe Alfonso Dejvis. Klubi bavarez ka vendosur të blindojë disa nga elementët kyç të ekipit për të siguruar qëndrueshmëri dhe sukses në vitet e ardhshme.

Musiala iu bashkua Bayern-n në vitin 2019 nga akademia e Chelsea dhe që nga ajo kohë ka treguar një rritje të jashtëzakonshme. Ai debutoi me ekipin e parë në shtator 2020 dhe ka qenë një nga lojtarët më të rëndësishëm të skuadrës.

Në 193 ndeshje të luajtura për Bayern-in, ai ka shënuar 58 gola dhe ka dhënë 38 asistime, duke qenë një nga lojtarët më produktivë të ekipit. Këtë sezon, fantazisti ka treguar një formë të shkëlqyer, me 15 gola në 30 ndeshje në të gjitha garat.

Përveç suksesit me Bayern-in, Musiala është një figurë kyçe edhe në Kombëtaren e Gjermanisë. Deri më tani, ai ka luajtur 38 ndeshje me kombëtaren gjermane, duke shënuar 7 gola.

Rinovimi i Musialës është një fitore e madhe për Bajernin, që siguron një nga yjet më të mëdhenj të brezit të ri në futbollin evropian. Me një kontratë të re që e mban në klub deri në vitin 2030, ai do të ketë mundësinë të vazhdojë të shkruajë historinë me bavarezët dhe të ndihmojë ekipin të luftojë për trofe të mëdhenj në vitet e ardhshme.