web counter
LEXO PA REKLAMA!

SHKARKO APP

App Store
Google Play

VIDEO/ Rikthehet dhuna në Greqi, shikoni çfarë ndodhi në PAOK-AEK

2 Maj 2024, 11:06, Sport CNA

Përballjet mes PAOK-ut dhe AEK-ut, gjithmonë kanë krijuar probleme në Greqi. Nuk kishte si të ndodhte ndryshe edhe në këtë fund të kampionatit.

Dy ekipet luftojnë për titullin kampion dhe ndeshja e javës së 34-t, ishte tejet e tensionuar. PAOK-u, triumfoi me rezultatin 3-2, në një ndeshje ku rezultati kaloi në plan të dytë, për shkak të ngjarjeve të ndodhura në fund.

Trajneri i AEK-ut të Athinës, Matias Almeida, u përfshi në një përleshje të ashpër, në fundin e ndeshjes.

Tekniku i kryeqytetasve, ishte i papërmbajtur, duke u përplasur me të gjithë që i dilnin para. 50-vjeçari, i mllefosur nuk u ndal dot as nga lojtarët e tij, për tu përplasur më pas edhe me një nga zyrtarët e ndeshjes.

Almeida sulmoi ashpër dhe kapi nga qafa, një prej zyrtarëve të Drejtorisë së Parandalimit të Dhunës Sportive. Në fund, duhej ndërhyrja e policisë, për të qetësuar situatën. Pas ndeshjes, trajneri i AEK-ut, doli dhe kërkoi falje për gjestet e tij, aspak sportive, por kjo nuk do e shpëtojë nga një dënim disiplinor.

Sa i përket sfidës, PAOK-u, triumfoi me rezultatin 3-2, me një përmbysje që erdhi vetëm në minutat e fundit të takimit.

Miqtë kryesonin 2-1 deri në minutën e 80-të, kur skuadra nga Selaniku barazoi shifrat. Në minutën e 90-të, ishte Sastre, që shënoi golin e përmbysjes, për t’i dhënë fitoren 3-2 Paok-ut.

Ky rezultat, mban gjithçka të hapur për titullin kampion, aty ku po luftojnë katër skuadra. AEK-u, mban vendin e parë në renditje me 75 pikë të grumbulluara, ndërsa ndjek PAOK-u me 71 pikë, por me një ndeshje më shumë për të zhvilluar.

Në të njëjtën kuotë pikësh ndodhet edhe Panathinaikos, që mban vendin e katërt, me një pikë më shumë se Olympiakos i vendit të pestë.

Fundi i kampionatit në Greqi, pritet të jetë i zjarrtë dhe tepër i luftuar, ashtu siç ndodhi edhe një vit më parë.





Lajmet e fundit nga