web counter
LEXO PA REKLAMA!

SHKARKO APP

App Store
Google Play

Europiani/ Trajneri i Shqipërisë nuk është i qetë, ja "halli" i Silvinjos

1 Maj 2024, 12:11, Sport CNA

Europiani/ Trajneri i Shqipërisë nuk është i qetë, ja

Ndonëse Europiani do pak më shumë se një muaj nga starti, trajneri i Shqipërisë, Silvinjo, ka nisur nga puna për zgjedhjen e lojtarëve që do të marrë me vete në Gjermani.

Një nga problemet më të mëdha për teknikun e kuqezinjve do të jetë sulmi. Disa nga futbollistët e këtij reparti po shkëlqejnë, ndërsa shënojnë rregullisht.

I tillë është rasti i Rei Manajt, që po kalon sezonin më të mirë në karrierë në Turqi. Nuk duhet harruar as Daku, që nuk ndalet së shënuari në Rusi, apo edhe Uzuni në Spanjë.

Formë të kënaqshme kanë treguar edhe Sokol Cikalleshi, Taulant Seferi dhe Ernest Muçi.

Nëse këto mund të quhen “halle” luksi, nuk është e njëjtë situata me sulmuesit e tjerë. Armando Broja, shihet si lojtar shumë i rëndësishëm për Shqipërinë, por 22-vjeçari po has vështirësi të mëdha në Premier League.

Minutat me Fulham-in kanë qenë të pakta për lojtarin shqiptar, i cili ka humbur tërësisht formën e tij. E njëjta situatë edhe për Jasir Asanin. Sulmuesi i djathë, ka rëndësi të madhe për trajnerin Silvinjo, si lojtari i vetëm në atë krah, i cili luan me këmbën e majtë. Edhe 28-vjeçari nuk po arrin të gjejë hapësira me Guangju në Korenë e Jugut dhe gjendja e tij, shqetëson jo pak trajnerin e Shqipërisë.

E paqartë është situata edhe për Arbnor Mujën, i cili ndryshoi skuadër në janar, duke u transferuar në Turqi të Samsunspor, por pa arritur të lërë shenjë.

Arbër Hoxha, duket gjithashtu një zgjedhje interesante për Europian, por e vetmja gjë që e penalizon, është eksperienca me ekipin kombëtar.





Lajmet e fundit nga