LEXO PA REKLAMA!

SHKARKO APP

U eliminuan, por te Partizani mbushin arkat. Zbulohet sa përfituan të kuqtë në Evropë

1 Shtator 2023, 10:14, Sport CNA

Partizani u eliminua nga Conference League mbrëmjen e djeshme. Pavarësisht barazimit 1-1 në “Elbasan Arena” me Astanën, "demat" nuk mundën të vazhdonin më tej, pasi kanë humbur 1-0 në sfidën e parë.

Por pavarësisht eliminimit, të kuqtë kanë siguruar një shumë relativisht të mirë nga rrugëtimi i tyre në Evropë. 1.41 milionë euro kanë shkuar në arkat e kryeqytetasve si shpërblim nga UEFA.

Më saktësisht 360 mijë euro nga Champions, ku ndahen 260 mijë euro për titullin kampion dhe 100 mijë euro për turin e parë në këtë kompeticion. Gjithashtu 300 mijë euro i kanë siguruar nga pjesëmarrja të turin e dytë, të tretë dhe “play off”, ndërkohë nga eliminimi kanë përfituar 750 mijë euro. Shumë kjo e konsiderueshme për Partizanin, që këtë vit shkroi historinë në Evropë, ndërsa u shkoi shumë afër edhe grupeve.

Lajmet e fundit nga