web counter
LEXO PA REKLAMA!

SHKARKO APP

App Store
Google Play

Trajnerit të Interi-t i del emri në Premier League, "projektohet" te skuadra nga Manchester-i

25 Shtator 2024, 10:45, Sport CNA

Trajnerit të Interi-t i del emri në Premier League,

Manchester United ka nisur të mendojë për një trajner të ri, pasi duket se Erik Ten Hag, nuk ka bindur dhe nuk ka përmbushur pritshmëritë. 

Rezultatet dhe mungesa e qëndrueshmërisë së ekipit, kanë bërë që trajneri holandez të jetë në një situatë delikate. 

Përballë këtij realiteti, drejtuesit e klubit tashmë po shqyrtojnë emrat për zëvendësimin e tij të mundshëm dhe njëri që ka marrë më shumë vëmendje ditët e fundit është Simone Inzaghi, trajneri aktual i Inter-it. 

Tekniku italian ka impresionuar me aftësinë e tij për të menaxhuar skuadra të mëdha dhe për të arritur rezultate të rëndësishme në kompeticionet evropiane dhe kjo e ka futur atë në radarin e klubit anglez.

Edhe pse interesi i United për Inzaghi-n është i dukshëm, operacioni nuk do të ishte i lehtë. Trajneri italian është i përkushtuar ndaj Interit të paktën deri në fund të sezonit, që do të thotë se çdo lëvizje do të duhej të priste. 

Megjithatë, bordi i “Djajve të Kuq” duket i gatshëm të presë, i bindur se stili i lojës dhe drejtimi i Inzaghi-t mund të jenë çelësi për ta rikthyer United-in në majat e futbollit europian.

Tani për tani, Ten Hag mbetet në krye të skuadrës, por hija e Inzaghi-it ka filluar të shfaqet mbi zyrat e ‘Old Trafford’. 

Trajneri holandez nuk e ka gjetur formulën për ta bërë Manchester United të funksionojë në mënyrë perfekte dhe duket se durimi ka filluar të mbarojë, duke lënë vend për të shqyrtuar edhe opsione të tjera për stolin.





Lajmet e fundit nga