LEXO PA REKLAMA!

SHKARKO APP

Tonali në telashe, rrezikon një tjetër pezullim

29 Mars 2024, 13:13, Sport CNA

Tonali në telashe, rrezikon një tjetër pezullim

Telashet për mesfushorin italian, Sandro Tonali, nuk kanë fund. Ish-lojtari i Milanit duhet të përballet me akuza të reja së fundmi në lidhje me bastet sportive.

Federata Angleze e Fubtollit ka akuzuar Tonalin se është përfshirë në 50 raste në baste sportive gjatë periudhës kohore, 12 gusht-12 tetor.

Bëhet fjalë për sezonin aktual, kur italiani u bashkua me skuadrën e Newcastle, nga Milani.

Këto data korrespondojnë me fillimin e kampionatit anglez dhe momentin kur skandali i përfshirjes së Tonalit në baste u bë publik dhe mesfushori u largua nga grumbullimi me Italinë. Praktikisht Tonali ka luajtur rregullisht baste sportive edhe në Angli.

Në njoftimin e Federatës, thuhet se Sandro Tonali është akuzuar për sjellje të pahijshme në lidhje me shkeljet e supozuara të rregullave të basteve. Mesfushori i Newcastle pretendohet se ka shkelur rregullin 50 herë duke vendosur baste në ndeshje futbolli midis 12 gushtit 2023 dhe 12 tetorit 2023. Tonali ka afat deri më 5 prill 2024 për t’u përgjigjur mbi akuzat.

Në lidhje me këto akuza, reagoi edhe klubi i Newcastle, ku theksohet mbështetje e plotë për lojtarin e tyre, por edhe për hetimet e Federatës angleze.

23-vjeçari, u dënua vitin e kaluar me një pezullim 10-mujor, për shkak se kishte luajtur baste sportive, gjatë kohës kur ishte pjesë e Milanit në Itali.

Në rast se konfirmohen akuzat se Tonali ka luajtur baste sportive edhe në Angli, lojtari do të përballej me një tjetër dënim, që mund të ishte 8 muaj të tjera jashtë fushave, siç ka ndodhur edhe në të kaluarën me raste të ngjashme.

Sandro Tonali u transferua nga Milani te Newcastle verën e kaluar për shifrën e 70 milionë eurove, megjithatë që atëherë ka luajtur shumë pak me klubin anglez, pikërisht për shkak të pezullimit.

Lajmet e fundit nga