web counter
LEXO PA REKLAMA!

SHKARKO APP

App Store
Google Play

Sfida me Erzenin, dy mungesa të rëndësishme për Vllazninë

29 Mars 2024, 11:52, Sport CNA

Sfida me Erzenin, dy mungesa të rëndësishme për

Vllaznia ishte një nga skuadrat që i bëri më shumë punë pauza e kombëtareve. Kuqeblutë vijnë pas një ecurie tejet pozitive, ku mbajnë edhe vendin e dytë në kampionat.

Shkodranët në ndeshjen e fundit, u mposhtën nga Kukësi, me skuadrën që filloi të ndiente lodhjen e një kalendari të ngjeshur.

Në prag të sfidës ndaj Erzenit, që do të luhet këtë të premte, trajneri Qatip Osmani e pranoi se pauza e kampionatit i erdhi në ndihmë skuadrës së tij, ndërsa kërkoi përqendrim në fushë.

"Në fokus është loja e nesërme me Erzenin, me çdo fitore jemi me afër 'Final 4', dhe sigurisht jemi të preokupuar në këtë ndeshje me Erzenin.

Po sigurisht që gjatë ndeshjeve që patëm ishte një periudhë e ngarkuar dhe sigurisht që ky pushim 2-javor na ka bërë mirë, na ka ndihmuar ta konsolidojmë ekipin ne aspektin e freskisë.

Jo vetëm ndeshjet e fundit, por të gjitha që kemi luajtur me Erzenin kanë qenë me rezultat të ngushtë, edhe pse i Kupës ishte bindës, por ishte në shtesë, çdo ekip duhet ta respektojmë, pa marrë parasysh në çfarë pozite ndodhet. I presim nesër të gatshëm te hyjmë në lojë.", tha Osmani. 

Në këtë përballje, Vllaznia nuk do të jetë e plotë, sa i përket titullarëve. Mbrojtësi Geralb Smajli, u dëmtua në grumbullimin me Kombëtaren U-21 dhe do të jetë jashtë. Krahu i djathtë i mbrojtjes, pritet të mbulohet nga Eslit Sala, lojtar që e kemi parë shpesh ta mbulojë këtë rol gjatë kampionatit.

Nuk do të jetë i gatshëm, as portieri Mehidri, i cili ka ndier sërish shqetësime, ndonëse ndaj Kukësit luajti titullar.

Në portë, pritet të luajë Kristi Qarri, i cili duket se e ka kaluar dëmtimin që e mbajti jashtë fushave për disa javë.

Sfida Vllaznia-Erzeni, do të luhet këtë të premte, në orën 19:00, në stadiumin “Loro Boriçi” të Shkodrës.





Lajmet e fundit nga