LEXO PA REKLAMA!

SHKARKO APP

Më shumë lojtarë në Europian? UEFA do të dëgjojë trajnerët

29 Mars 2024, 13:09, Sport CNA

Më shumë lojtarë në Europian? UEFA do të

UEFA do të shqyrtojë kërkesën e disa trajnerëve, për zgjerim të listës së lojtarëve që do të grumbullohen në Europian.

Shumica e trajnerëve kanë kërkuar që numri të rritet nga 23 që është aktualisht, në 26 lojtarë në listë.

Institucioni më i rëndësishëm i futbollit në Evropë njoftoi se më 8 prill do të ketë një takim me trajnerët, ku do të diskutohet pikërisht numri i lojtarëve, për "Euro 2024", që do të mbahet në Gjermani.

Pasi të jenë dëgjuar të gjithë trajnerët, UEFA më pas do të dalë me një vendim përfundimtar. 

UEFA lejoi 26 lojtarë në "Euro 2020", ndërsa të njëjtën gjë bëri edhe FIFA dy vite më vonë për Botërorin e vitit 2022. Këto vendime u morën për shkak të problemeve me pandeminë.

Në rast se miratohet lejimi i 26 lojtarëve në Europian, ky do të ishte një lajm shumë i mirë edhe për Kombëtaren shqiptare. Trajneri Silvinjo ka dilema të mëdha sa u përket lojtarëve që duhet të grumbullojë dhe 3 futbollistë më shumë, do të ishin një ndihmesë e madhe për të.

Tekniku kuqezi, po ndjek formën e lojtarëve, për të pasur një ide më të qartë për ata që do të marrë me vete në Gjermani. Shqipëria është vendosur në Gurpin B, së bashku me Spanjën, Italinë dhe Kroacinë.

Kompeticioni madhor, "Euro 2024", do të nisë më 14 qershor, ndërsa finalja për titullin kampion të Evropës do të mbahet një muaj më vonë, më 14 korrik.

Lajmet e fundit nga