web counter
LEXO PA REKLAMA!

SHKARKO APP

App Store
Google Play

E fundit!

x

Titullari i Shqipërisë kalon dëmtimin, nis stërvitjen

17 Tetor 2024, 14:12, Sport CNA

Titullari i Shqipërisë kalon dëmtimin, nis stërvitjen

Berat Gjimshiti ka hedhur pas krahëve dëmtimin që e la jashtë grumbullimit të Shqipërisë për dy ndeshjet e muajit tetor, ndaj Çekisë dhe ndaj Gjeorgjisë, të vlefshme për Ligën e Kombeve.

Mbrojtësi shqiptar është rikthyer në stërvitjen e Atalantës dhe është gati për sfidën e radhës në kampionat.

Sipas asaj që raportojnë mediat italiane, Gjimshiti është kandidat për një vend titullari për sfidën ndaj Venecias, e planifikuar për tu luajtur të dielën e 22 tetorit.

Megjithatë sipas të gjitha gjasave futbollisti kuqezi do të jetë në stol, pasi trajneri Gasperini nuk dëshiron ta rrezikojë. Nuk përjashtohet mundësia që ai të futet disa minuta nga fundi.

Futbollisti 31-vjeçar u dëmtua më 2 tetor, në ndeshjen e Championsit ndaj Shaktarit në fushë asnjanëse, kur edhe shënoi golin e parë për Atalantën.

Më pas, ai ndjeu dhimbje në ije dhe u zëvendësua në pushim, ndërsa nuk u aktivizua për më shumë se dy javë.

Gjimshiti ka pasur disa ndalesa kohët e fundit, dhe kjo duket normale ndërsa mosha bëhet gjithnjë e më e madhe, por gjithsesi është tepër i rëndësishëm për Atalantën dhe kombëtaren shqiptare.

Mungesa e mbrojtësit nuk u ndje edhe aq shumë te Shqipëria për dy përballjet e fundit.  

Forma e shkëlqyer e Ismjalit dhe Ajetit, por edhe Kumbullës, bëri që Silvinjo të mos kishte shumë probleme për repartin e prapavijës.

Gjithsesi duke ditur se Gjimshiti është kapiteni i Shqipërisë, sigurisht që për grupin është i domosdoshëm dhe do të jetë i gatshëm për dy takimet që kuqezinjtë do të luajnë në muajin nëntor, ndaj Çekisë dhe Ukrainës.

Me fanellën e kombëtares shqiptare, Gjimshitri numëron plot 61 ndeshje të luajtura, ndërsa ka shënuar edhe një gol.





Lajmet e fundit nga