web counter
LEXO PA REKLAMA!

SHKARKO APP

App Store
Google Play

E fundit!

x

Dy lojtarë të rinj te Shqipëria? E konfirmon Duka: Jemi në negociata

16 Tetor 2024, 15:10, Sport CNA

Dy lojtarë të rinj te Shqipëria? E konfirmon Duka: Jemi në

Presidenti i Federatës Shqiptare të Futbollit, Armand Duka, deklaroi se stafi i Kombëtares shqiptare është në negociata me dy futbollistë të rinj, Luis Hasën që luan në Itali dhe Brajan Grudën, që është pjesë e Brighton në Angli.

Ky i fundit deklaroi pak kohë më parë se zemra i thotë të luajë për Gjermaninë, por Duka në intervistën për “Euronews”, tha se është ftuar nga Shqipëria dhe nuk është marrë një vendim.

“Gruda është një futbollist shumë i mirë, e thotë vetë me paraqitjet e tij në fushë. Por edhe Hasa në Itali është një futbollist shumë i mirë, ka luajtur me ekipet kombëtare të Italisë. Janë shqiptarë, kanë dopio shtetësi, por është vendimi i tyre se për çfarë kombëtare duan të luajnë. Ne i kemi ftuar, kemi biseduar dhe negociuar dhe urojmë që ata të vendosin për të luajtur për Shqipërinë. Për momentin janë përqendruar në lojën e tyre me klubet dhe nuk kanë marrë një vendim. Ata do të vendosin me dëshirën e tyre. Pa dyshim që ne kemi dëshirë që ata të kontribuojnë për ne.

Ka edhe shumë futbollistë të tjerë më të rinj në moshë, talente shumë të mirë që janë pjesë e ekipeve tona të moshave që mund të afrohen. Siç u afruan në ndeshjen e fundit, Adrion Pajaziti, Feta Fetai dhe Indrit Tuci. Ky i fundit nuk ishte ftuar prej kohësh, por luajti titullar në Gjeorgji.

Jo vetëm këto që ne diskutojmë, të cilët i konsiderojmë kualitete, por edhe të tjerë të cilët shikohen, analizohen dhe studiohen. Kjo është e veçanta e stafit të këtij ekipi kombëtar, të cilët janë 365 ditë në punë dhe analizojnë e përgatisin shfaqjen e një dite në shumë ditë pune.”, deklaroi Duka.





Lajmet e fundit nga