web counter
LEXO PA REKLAMA!

SHKARKO APP

App Store
Google Play

“Tirana më e dobët e derbeve të fundit, lojtarë mesatarë”, Shkëlqim Muça: Ja si fitoi Partizani

7 Mars 2023, 12:41, Sport CNA

“Tirana më e dobët e derbeve të fundit, lojtarë

Shkëlqim Muça, pjesë e panelit të përhershëm në “Rubrikën Sportive” nga moderatorja Hygerta Sako në "RTSH Sport" komentoi derbin mes Partizanit dhe Tiranës ku të kuqtë dolën fitues.

“Ishte Tirana më e dobët e këtyre derbeve të fundit, Partizani e meritoi fitoren, ishte më kërkuese, e vendosur më mirë në fushë. Tirana u kondicionua në vendosje nga kundërshtari, nuk mendoj se kishte një vendosje të mirë.

Tirana ishte në një ndeshje jo të mirë në të gjitha repartet. Aty ku ka qenë gjithmonë e fortë, në qendër të mbrojtjes, tregoi dobësi. Edhe në mesin e fushës mungoi agresiviteti. Me dy fashat mendoj se është me lojtarë mesatarë.

Partizani më pëlqeu në vendosje, i mbulonte të gjitha hapësirat e fushës në të dyja aspektet e lojës, këtë gjë duhet të kishte bërë edhe në Shkodër. Mesfusha ishte super me Rrapajn, Matondon dhe Muratajn, por edhe Hadroj në krahë ishte super.

Skema e të kuqve në këtë derbi ishte e duhura. Te Tirana të tre mbrojtësit nuk e nxjerrin dot topin, kanë problem në organizim, sot bënë gabime amatore. Në momentin e golit të parë janë larg njëri-tjetrit, kundërshtari që shënoi ishte i pambuluar”. - tha Muça.





Lajmet e fundit nga