web counter
LEXO PA REKLAMA!

SHKARKO APP

App Store
Google Play

Tetova "thumbon" trajnerët: Nuk e prisja kështu Dinamon. Vendin e liroj në vitin 2025

6 Tetor 2023, 16:26, Sport CNA

Trajneri i Egnatias, Edlir Tetova, foli pas fitores 3-0 ndaj Dinamo City.

Tetova deklaroi se është shumë i lumtur për fitoren, ndërsa tha se nuk e priste kundërshtarin kaq të tërhequr.

I ngacmuar në lidhje me trajnerët e tjerë që ndjekin rrogozhinasit, Tetova tha se vendi do jetë i lirë në vitin 2025.

"Ishte një ndeshje e përgatitur mirë. Kishim mungesën e Duamenës, por e zgjidhëm mirë. Shënimi i golit dhe “perla” e Zejnullait i vendosi kapakun gjithçkaje.

Paulauskas do shkojë me kombëtaren dhe menduam të bëjmë një risi me Fernandon në sulm.

Manovra ishte thellësi, si goli i parë shënuam edhe me Laçin. Ishte një gol me thellësi, siç ia kërkoj unë lojtarëve. Ekipi shkoi drejt asaj që kërkova unë.

Janë këto ndeshjet e ngjeshura dhe lodhja ndikon. Dinamon nuk e prisja kështu, kaq shumë mbrojtëse. Unë dua vetëm t’i gëzohem 3 pikëve.

E vetmja gjë që më gëzon, janë lojtarët e kthyer. Duam ta kemi grupin sa më të plotë. Ky pushim ka ardhur në kohën e duhur për ne.

Duamena ka marrë një goditje ndaj Vllaznisë dhe jemi munduar duke bërë maksimumin ndaj Teutës. E kishte të pamundur për të luajtur dhe menduam ta bëjmë pushim, që të rikuperojë plotësisht.  

Trajnerëve që na ndjekin në tribunë, i pëlqen futbolli i Egnatias. Vendi bosh këtu do jetë në vitin 2025.", tha Tetova per MCN. 





Lajmet e fundit nga