E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Temitope: Skënderbeu ka ndryshuar, më pëlqen ndryshimi me trajnerin Gvozdenoviç

3 Dhjetor 2022, 22:54, Sport CNA

Sulmuesi i Skënderbeut, Abdul Temitope, paralajmëron autokritikën. Në një prononcim të dhënë për “Panorama Sport”, sulmuesi e pranon që ardhja e trajnerit të ri ka sjellë tjetër frymë dhe filozofi.

“Ndryshimi në stol bëhet gjithmonë për mirë dhe në shumicën e rasteve kanë impakt direkt para. Ne nuk po merrnim maksimumin në ndeshjet e fundit dhe klubi vendosi këtë rokadë.

Me trajnerin e ri mund të them se kemi ndryshuar filozofi loje ose më saktë kërkon që të ndryshojmë. Do të jemi më ofensivë dhe më shumë në repartin e avancuar, ndaj kjo gjë mua më shkon për shtat.

Si sulmues që jam, ka më shumë pika referimi dhe rrjedhimisht më shumë mbështetje. Këtë e ka bërë me plan. Na ka shpjeguar se Skënderbeu nuk duhet të mbrojë rezultatin, por duhet të shkojë kudo për fitore.

Ka punuar shumë individualisht dhe në grup me gjithsecilin nga ne nga aspekti psikologjik dhe mentaliteti i duhur që duhet të kemi ne në fushë dhe jashtë saj.

Është një person që e njeh mirë ambientin e klubit dhe ka qenë edhe më herët këtu si lojtar. Kështu që normalisht e bën dyfish të detyrueshëm respektin për klubin”, theksoi fillimisht nigeriani i ofensivës korçare.

Nuk kishte si të mos ndalej te ndeshja e kësaj fundjave. Temitope e quan një 90-minutësh që nuk duhet humbur, ndaj kërkon përqendrimin e të gjithëve.

“Kjo ndaj Apolonisë është një ndeshje që nuk duhet humbur. Mund të na çojë në vendin e 4-t menjëherë, në një kohë që të tjerët janë pushim. Është një shans, me pak fjalë, që duhet kapur.

Për të qenë më komodë në rrugëtimin tonë, duhet ta fitojmë të dielën. Mund të them se do të jetë një përballje e fortë dhe delikate. Të dyja ekipet kanë ndryshuar trajnerin dhe kjo e bën edhe më interesante.

Të shohim se kush do të jetë më së shumti gati për të vënë në zbatim kërkesat e stafit teknik. Mendoj se jemi gati, pasi kemi më shumë kohë që punojmë me Gvozdenoviç”, përfundoi autori i 4 golave me bardhekuqtë.