E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Skandali, sulmuesi akuzon Kukësin për pengmarrje, kërcënime dhe dhunë. Çështja drejt FIFA-s…

3 Dhjetor 2022, 15:31, Sport CNA

Futbollisti Anto Zivkoviç i është drejtuar sindikatës së futbollistëve profesionistë të Bosnjë-Hercegovinës pasi pretendon se është dhunuar dhe kërcënuar nga përfaqësuesit e klubit shqiptar FC Kukësi.

Menjëherë pas këtij veprimi, sindikata ka marrë masat duke iu drejtuar FIFA-s.

Media “Sport Centar” raporton se ata do të procedojnë kundër klubit të Kukësit dhe do të vërtetojnë nëse akuzat e futbollistit janë të vërteta ose jo.

Njoftimi i plotë i Sindikatës

“Futbollisti i lartpërmendur i është drejtuar me një letër klubit për shkak të vonesës disamujore në pagesën e pagave të fituara. Klubi e ftoi lojtarin në një takim dje, por në vend që të merrte informacione për shlyerjen e borxhit ndaj tij, lojtari u përball me një nga situatat më të vështira në karrierën e tij deri tani.

Përkatësisht, përfaqësuesit e klubit e mbajtën Zivkoviç në ambientet e klubit për disa orë, i dërguan kërcënime, ofendime të shumta dhe gjithçka kulmoi me një sulm fizik ndaj lojtarit. Përfaqësuesit e klubit e detyruan lojtarin të firmoste zgjidhjen e kontratës, duke e penguar të largohej ndryshe nga ambientet e klubit.

Pas disa orësh, futbollisti ka arritur të largohet nga ambientet e klubit dhe menjëherë është nisur për në Kroaci, duke pasur parasysh se siguria e tij ishte në dyshime të mëdha.

Sindikata e futbollistëve profesionistë ka nisur menjëherë procedurën para FIFA-s dhe ne do të vërtetojmë se lojtari është detyruar të nënshkruajë zgjidhjen e kontratës, do të fillojmë edhe procedimin ndaj përfaqësuesve të klubit, nëse ka pasur një marrëdhënie të tillë.

Duam të theksojmë se FC Kukësi njihet prej shumë vitesh si një klub që i trajton jashtëzakonisht keq lojtarët, duke fshehur kontratat dhe anekset e kontratave nga lojtarët, duke vonuar pagesat mujore dhe detyrime të tjera.Kemi nisur procedimin për lojtarët Numan Kurdiç dhe Tarik Isiç kundër këtij klubi shqiptar, pikërisht për faktet e lartpërmendura”.