web counter
LEXO PA REKLAMA!

SHKARKO APP

App Store
Google Play

E fundit!

x

Superforma e Adeyemi-t, Liverpool-i ka gati ofertën për transferimin e 22-vjeçarit

3 Tetor 2024, 11:45, Sport CNA
Superforma e Adeyemi-t, Liverpool-i ka gati ofertën për transferimin e
Karim Adeyemi

Karim Adeyemi është duke kaluar një supermoment, me sulmuesin e Borussia Dortmund që ishte protagonist absolut në fitoren 7-1 të skuadrës së tij nga Celtic në raundin e dytë të Champions League.

Sulmuesi gjerman gjeti plot tri herë rrugën drejt rrjetës në këtë fitore, duke shënuar në minutën e 11-të, në minutën e 29-të dhe në minutën e 42-të.

Madje pas ndeshjes me Celtic, ai u vlerësua me notën 10 si dhe u përfshi në formacionin më të mirë të javës së dytë të Champions League nga sajti i statistikave “sofascore”.

Megjithatë, kjo sfidë vetëm i vuri vulën formës së 22-vjeçarit, pasi edhe në Bundesliga ka bërë shumë mirë me ekipin e verdhezinjve.

Këto paraqitje të sulmuesit gjerman kanë rënë në fokusin e Liverpool-it, me klubin e “The Reds” që raportohet se po përgatit një ofertë prej 50 milionë eurosh për transferimin e Adeyemi-t.

Adeyemi-n tek anglezët e shohin si zëvendësuesin e denjë të Mohamed Salah, me këtë të fundit që me shumë mundësi do të largohet verën e ardhshme, pasi t’i skadojë kontrata me Liverpool-in./CNA

Superforma e Adeyemi-t, Liverpool-i ka gati ofertën për transferimin e
Formacioni i javës së dytë, Champion i Champions-it, Burimi: sofascore

 

 





Lajmet e fundit nga