Spektakël i Sanesë, “trullos” D'Ambrosion dhe e detyron të shkaktojë autogol (VIDEO)

7 Shtator 2022, 22:29, Sport CNA

Inter-Bajern do të jetë supersfida e parë e atij që cilësohet si “grupi i ferrit” i këtij edicioni në Ligën e Kampioneve pasi përkrah këtyre dy skuadrave të njohura në Europë është edhe Barcelona.

Italianët presin sot kampionët e Gjermanisë në ndeshjen e parë teksa kanë mungesën e rëndësishme të Lukakut në repartin e avancuar. Ndërsa gjermanët kanë luksin për të mbajtur si rezerva në stol Gnabri, Goretzka e Musiala.

Në fushë zbret edhe Barcelona e cila pret Viktoria Plzen, një skuadër e cila do të mundohet të evitojë goleadat e rënda në këtë edicion në grupin ku ka rënë.

INTER-BAJERN MYNIH 0-2

Sane 25′, Dambrosio 67′ (autogol)

67′ GOOOL BAJERNI 0-2/ Spektakël i Sane! Bajnerni në avantazh të dyfishtë! Ylli gjerman detyron Dambrosion të devijojë topin në rrjetë!

65′ Onana për pak sa nuk katranos me një gafë, shtylla shpëton!

52′ Minuta të mira për Interin, që është hedhur në sulm në kërkim të golit të barazimit.

50′ Rast ideal për Xhekon që në afërsi të pikës së penalltisë ka gjuajtur lehtë duke e dërguar topin në duart e Nojerit.

46′ Starton pjesa e dytë!

45′ Akordohet 1 minuta shtesë!

40′ De Ligt është i ndëshkuari i parë i sfidës me karton të verdhë për ndërhyrje të gabuar ndaj Brozoviç.

36′ Drithërima në portën e Interit, Dejvis dhe Sabitzer i shkojnë shumë pranë golit të dytë. Sërish protagonist Onana.

35′ Xheko “flirton” me golin e barazimit, gjuajtja e boshnjakut me kokë pas harkimit nga këndi shkon ngjitur me shtyllën.

32′ Dominim i frikshëm i Bajernit, që duket se e ka kthyer portën zikaltër në një poligon, me gjuajtjet e shumta drejt kuadratit.

25′ GOOOL BAJERN 0-1/ Zhbllokohet sfida, Sane kalon në avantazh gjermanët, ylli i bavarezëve shmangu mjaft bukur portierin Onana dhe e dërgoi topin në rrjetë.

22′ Pritje spektakolare e Onanës, portieri kamerunas, i mohon golin e avantazhit Mylerit.

20′ Hera e tretë në këto minuta që Kimish provon nga distanca, por sërish topi shkon drejt e në duart e portierit Onana.

16′ Provon Interi me Dambrosion, por gjuajtja e tij me të majtën, pritet pa probleme nga portieri Nojer.

8′ Myler me të majtën brenda zonës në formë kthese, pas asistit të Sanesë, por gjuajtja e tij ndalet sërish nga Onana.

6′ Interi kundërpërgjigjet me Lautaro Martinez, që provon me një gjuajtje diagonale nga e djathta, por nuk ka shënjestrën e duhur!

3′ Tjetër kërcënimi i Kimish nga distanca, por edhe kësaj here, Onana i thotë “jo”, duke neutralizuar gjuajtjen e mesfushorit.

2′ Kimish regjistron goditjen e parë në kuadrat, tentativa e gjermanit ishte e lehtë dhe shkoi drejt e në duart e Onanës.

1′ Starton supersfida në “San Siro”.