web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu në krizë, Egnatia fiton pas dy kartonëve të kuq

5 Tetor 2024, 21:03, Sport CNA

Skënderbeu në krizë, Egnatia fiton pas dy kartonëve të

Egnatia mposhti minimalisht Skënderbeun në Korçë, në një ndeshje ku skuadrat e mbyllën me nga 10 lojtarë.

Triumf i rrogozhinasve, që rikthehen të marrin 3 pikët, që mungonin prej dy ndeshjesh..

Në minutën e katërt, ishte mbrojtësi i Skënderbeut, Vazkez, që rrezikoi autogolin me kokë, por topi u ndal nga portieri Alia.

Mundësi e para e rrezikshme për Skënderbeun u regjistrua në minutën e 16-të, kur Janaqi provoi me një gjuajtje të fortë nga jashtë zone, por Dobjani ia doli ta presë pa shumë probleme.

Momenti kulminant i ndeshjes ishte ai i minutës së 40-të. Pas një aksioni të shpejtë, sulmuesi i Egnatias, Vuthaj u shkëput i vetëm në drejtim të postës korçare, por u ndal në mënyrë të parregullt nga Vazkez.

Si lojtar i fundit, kolumbiani u ndëshkua me karton të kuq, duke lënë ekipin e tij me 10 lojtarë për pjesën e mbetur të ndeshjes dhe duke vështirësuar gjithçka.

Në superioritet numerik, Egnatia e nisi pjesën e dytë në sulm dhe në minutën e 47-të, shtylla i mohoi golin të sapofuturit Jahaja.

Rezistenca e Skëndeebeut zgjati deri në minutën e 64-t, kur kampionët zhbllokuan rezultatin. Vuthaj përfitoi nga një pasiguri e mbrojtjes korçare në largimin e topit dhe pak metra larg portës nuk e kishte të vështirë për të shënuar, duke i dhënë avantazhin Egnatias.

Moment vendimtar ishte edhe ai i minutës së 75-të. Bismark rrëmbeu një top në afërsi të zonës së Egnatias, por u ndal nga Malota në mënyrë të parregullt, me mbrojtësin që gjithashtu u ndëshkua me karton të kuq, duke lënë rrogozhinasit me 10 lojtarë.

Kjo i dha besim Skënderbeut që u hodh totalisht në sulm, për të gjetur barazimin. Megjithatë rezultati nuk ndryshoi deri në fund dhe Egnatia mori fitoren, e cila e ngjit në vendin e dytë me 14 pikë, ndërsa Skënderbeu mban vendin e tetë me 7 pikë.





Lajmet e fundit nga