web counter
LEXO PA REKLAMA!

SHKARKO APP

E fundit!

x

Dëmtimi i Bremer, Motta mendon për afrimin e Ramos

5 Tetor 2024, 13:40, Sport CNA
Dëmtimi i Bremer, Motta mendon për afrimin e Ramos
Sergio Ramos

Me mbrojtësin Gleison Bremer që mbylli sezon për shkak të një dëmtimi të rëndë, trajneri i Juventus-it, Thiago Motta është duke menduar për alternativat që ka për të zëvendësuar brazilianin.

Sipas raportimeve të medieve italiane, emri i parë që po ndiqet me shumë interes nga “bardhezinjtë” është Sergio Ramos.

38-vjeçari spanjoll që dikur ka luajtur për ekipe si Real Madrid apo Paris Saint-Germain, është lojtar i lirë pasi këtë verë i përfundoi kontrata me Sevilla-n dhe ndaj ai konsiderohet si opsioni më i mirë i mundshëm te Juventus.

Sergio Ramos ka pasur oferta gjatë kësaj vere nga klube në Amerikë, në Arabinë Saudite si dhe në Brazil, por deri më tani mbrojtësi i ka refuzuar të gjitha ato.

Nëse do ia dilte të firmoste me spanjollin, Juventus do të fitonte një lojtar me shumë eksperiencë dhe që pritet të bëjë diferencën.

Bremer u dëmtua në fitoren 2-3 të Juventus-t nga RB Leipzig në Champions League, me mbrojtësin brazilin që u detyrua të linte fushën e lojës që në minutën e gjashtë./CNA





Lajmet e fundit nga