web counter
LEXO PA REKLAMA!

SHKARKO APP

App Store
Google Play

E fundit!

x

Situata kaotike me Lookman, Percassi: Kishim rënë dakord për klube jashtë Italisë

4 Gusht 2025, 18:03, Sport CNA

Situata kaotike me Lookman, Percassi: Kishim rënë dakord për

Administratori i deleguar i Atalantës, Luca Percassi, ka sqaruar situatën e sulmuesit Ademola Lookman, duke konfirmuar ekzistencën e një marrëveshjeje për transferimin e tij vetëm jashtë Italisë.

Sipas Percassit, Lookman i kishte thënë klubit se nuk dëshironte të luante për ndonjë klub tjetër italian për respekt ndaj Atalantës dhe për gjithçka që ka përjetuar në Bergamo.

Megjithatë, ai shton se tani situata është ndryshe, dhe nëse Interi kërkon të përfitojë nga ky ndryshim, duhet të paguajë plot 50 milionë euro. Çmimi është vendosur për shkak të faktit që bëhet fjalë për një rival direkt në kampionat.

“Vitin e kaluar, përballë një oferte prej 20 milionë eurosh të PSG, lojtari na kërkoi që ta shitnim. Atalanta, duke qenë se është një klub i besueshëm, kishte premtuar se do të shiste lojtarin në dritaren aktuale të merkatos, duke u bazuar në dy pika, që na i kishte kërkuar vetë ai: si fillim të arrinte një super klub europian dhe që në Itali nuk do të shihej më kurrë me një fanellë të ndryshme nga ajo e Atalantës. Si për atë që ka bërë këtu, si për atë që ka marrë nga klubi.

Sot, situata që njihni ju është krejtësisht ndryshe. Gjithsesi, klubi gjithmonë është i vëmendshëm për të vlerësuar kohët dhe vlerat e lojtarëve të vet, por si gjithmonë, është klubi i Atalantës ai që vendos”, tha ai.

Ndërkohë, për ofertat nga jashtë vendit, ka më shumë hapësirë negociuese për shkak të marrëveshjes së mëparshme me lojtarin. Atalanta mbetet në kontroll të plotë të situatës dhe nuk pritet të bëjë lëshime.





Lajmet e fundit nga