web counter
LEXO PA REKLAMA!

SHKARKO APP

App Store
Google Play

Sfida Bylis-Skënderbeu/ Gjoka: Jemi të fokusuar për të bërë maksimumin

28 Shkurt 2025, 16:35, Sport CNA

Sfida Bylis-Skënderbeu/ Gjoka: Jemi të fokusuar për të

Trajneri i Skënderbeut, Ernest Gjoka ka folur për sfidën e së dielës ndaj Bylisit. Gjoka tha se kjo është një javë e rëndësishme për “Ujqërit e Dëborës” dhe u shpreh besimplotë që skuadra do të vijojë të qëndrojë në Superiore.

Trajneri Gjoka paraqshikoi një luftë shumë të fortë deri në javën e fundit të kampionatit.

 

“Personalisht mendoj që është një javë shumë e rëndësishme për ne. Kështuqë ne jemi të fokusuar për të bërë maksimumin që Skënderbeun ta mbajmë në elitë. Do të thotë se ne duhet të fokusohemi e të japim maksimumin. Skuadra ka dhënë shenja pozitive dhe tashmë duhet të kemi vazhdimësinë. Ne duhet të japim atë ndeshje që të gjithë ne pamë ndaj Egnatias.

Ne tregojmë që kemi potencialin, tashmë duhet te qetësohemi dhe të heqim barrën e rëndë psikologjike për të parë përpara. Unë kam besim që do ja dalim. Sigurisht nuk është e lehtë për situatat që ka kaluar Skënderbeu në këtë vit, por unë kam besim. Lufta do të jetë shumë e fortë, shumë e egër dhe unë besoj që deri në javën e fundit do jetë luftë shumë e fortë”, tha Gjoka./ CNA

 

 

 





Lajmet e fundit nga