E fundit!

12:21 Kronika

I dënuar me 24 vite burg për vrasje/ Kapet në Angli 60-vjeçari

Finalizohet në bashkëpunim me Policinë britanike, një tjet...

Rrëfimi i Rey Manajt/ Nga vështirësitë në Angli, te shpërthimi në Turqi

17 Prill 2024, 11:51, Sport CNA

Rey Manaj, po kalon sezonin më të mirë të karrierës në Superligën turke, aty ku është pjesë e skuadrës së njohur të Sivasspor.

16 golat e shënuar këtë sezon, e rendisin Manajn mes më të mirëve të kampionatit, si Edin Xheko i Fenerbahçe dhe Mauro Ikardi i Galatasarait.

Sulmuesi shqiptar, nuk e ka pasur të lehtë për të arritur deri te suksesi i këtij sezoni. Në një rrëfim për mediat në Turqi, Manaj ka treguar vështirësitë në karrierë, por edhe si përfundoi te Sivasspor, aty ku ka tërhequr vëmejdnejn e të gjithëve.

“Në vitin 1997 Shqipëria ka kaluar muaj të vështirë, por mua nuk më pëlqen që të ndaloj shumë në këtë pikë, pasi nuk dua që askush të ketë mëshirë për mua. Kështu më kanë mësuar prindërit e mi, të cilët i falënderoj për gjithçka çfarë kanë bërë për mua.

Kur isha i vogël mbaroja shkollën dhe luaja me shokët gjithë pasditen futboll. Më pas fundjavave shoqëroja babain, sepse edhe ai luante me shokët e tij. Aty herë-herë futesha dhe unë të luaja. Aty nisi gjithçka. Jam rritur duke parë Ronaldo fenomenin, i cili është edhe idhulli im.

Në Angli kam kaluar një periudhë të keqe, jo për shkak të nivelit të futbollit atje, por thjesht se nuk u përshtata me mënyrën se si punonin. Unë isha mësuar që të punoja në palestër një herë në javë, ndërsa në Angli shkonin çdo ditë.

Transferimi te Sivaspori? Presidenti ishte i pari që më telefonoi kur unë isha ende i dëmtuar. E kisha ndjekur një vit më parë këtë ekip kur luante përballë Fiorentinës. Më pas mora disa telefonata edhe nga disa klube të tjera turke, por dëshiroja të luaja me Sivasporin, pasi i kisha dhënë fjalën presidentit. Mendoj se kam bërë zgjedhjen më të mirë.

Unë jam mësuar me futbollin, pasi kam firmosur për klubin tim të parë që në moshën 16- vjeçare. Tani ndihem mirë, sepse i jam dedikuar këtij sporti. E shikoj me shumë pasion. Vij në stërvitje tri-katër orë përpara dhe kujdesem shumë edhe me ushqimin. Më pëlqen që të konsumoj shumë bakllava, por e frenoj veten pasi duhet të vrapoj shumë. Preferoj ta konsumoj pas ndeshjeve. Dëshira ime është që të dërgoj Sivasporin mes pesë skuadrave më të mira në Turqi”, deklaroi Manaj.

Lushnjari u grumbullua nga trajneri i Shqipërisë, Silvinjo për dy miqësoret e muajit mars, ndaj Kilit dhe Suedisë, ndërsa shpreson të ketë një ftesë edhe për në Europianin e verës, që do të mbahet në gjermani.