E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

"Final Four", zbulohet sa do të arkëtojnë skuadrat e katër vendeve të para

16 Prill 2024, 14:36, Sport CNA

"Final Four", zbulohet sa do të arkëtojnë skuadrat e

Kanë mbetur edhe pesë javë nga përfundimi i sezonit të rregullt në Superiore ku të gjitha skuadrat po luftojnë për objektivat sezonalë. Megjithatë, spektakli i vërtetë i këtij edicioni do të nisë pas përfundimit të javës së 36-të.

Ndryshe nga sezonet e kaluara, këtë edicion në kampionat do të aplikohet një formulë e re, “Final Four”. Pas përfundimit të 36 javëve, katër skuadrat më të mira të sezonit do të përballen me njëra-tjetrën për të shpallur ekipin kampion të këtij sezoni. Çdo gjë do të nisë me hedhjen e shortit që do të organizohet nga FSHF, menjëherë sapo të përfundojë java e 36-të e kampionatit. Skuadrat do të ndahen në dy vazo, ku në vazon 1 do të vendosen (vendi i parë dhe i dytë), ndërsa në vazon 2 (vendi i tretë dhe i katërt) dhe përmes shortit përcaktohen çiftet gjysmëfinaliste.

Në finale kalojnë ekipet fituese dhe ajo që duhet saktësuar është që skema “Final 4” favorizon skuadrat e renditura më mirë në klasifikim në dy ndeshjet gjysmëfinale, pasi vendi i parë dhe i dytë mund të sigurojë finalen edhe falë barazimit. Më pas do të luhet gjithçka në finalen e madhe për titullin kampion mes dy skuadrave që do të kualifikohen më tej, ndërsa ekipet që do të eliminohen nga faza gjysmëfinale do të luftojnë për vendin e tretë.

Të gjitha takimet e “Final Four” do të luhen në stadiumin “Air Albania” një nga impiantet më moderne që plotëson të gjitha kushtet, prandaj këto ndeshje nuk janë vetëm për tifozët e klubeve që do të përballen në “Final Four” por për të gjithë futbolldashësit e kampionatit shqiptar që duan të ndjekin nga afër spektaklin.

E sigurisht që skuadrat e renditura në top-4 dhe fituesja e Kupës së Shqipërisë do të marrin shpërblime. Komiteti Ekzekutiv i FSHF-së ka miratuar edhe shumat që do të shpërndahen për secilën skuadrës. Tashmë përveç ekipit kampion dhe fitueses së Kupës do të shpërblehen edhe vendi i 2, 3 dhe 4 në kampionat.

Në këto kushte përveç 100 milionë lekëve të vjetër që merrte ekipi kampionat do të shtohen edhe 100 milionë lekë të tjera shtesë. Kështu kampionët marrin 200 milionë lekë të vjetër, vendi i dytë në kampionat do të marrë 70 milionë lekë të vjetër, skuadra që renditen në vendin e 3-të do të marrë 50 milionë lekë të vjetër, ndërsa vendi i katër do të shpërblehet me 20 milionë lekë të vjetër.

Ndërkohë nga ana tjerër nuk ndryhson shuma që do të marrë skuadra që do të fitojë Kupën e Shqipërisë. Janë 50 milonë lekë të vjetër për ekipin që fiton këtë trofe./ FSHF