web counter
LEXO PA REKLAMA!

SHKARKO APP

App Store
Google Play

E fundit!

x

Real Madrid kundër FIFA-s, shkak bëhet Kupa e Botës për klube

10 Qershor 2024, 13:14, Sport CNA

Real Madrid kundër FIFA-s, shkak bëhet Kupa e Botës për

Mes Real Madrid dhe FIFA-s duket se ka nisur një luftë dhe shkak për këtë është bërë Botërori i Klubeve, i programuar për t'u zhvilluar vitin e ardhshëm.

Trajneri i madrilenëve, Carlo Ancelotti, e bëri të qartë se skuadra e tij nuk do të marrë pjesë, pavarësisht se kanë fituar të drejtën për të qenë aty.

“Reali i Madridit nuk do të shkojë në Botërorin e klubeve. FIFA ta harrojë se ne do të shkojmë. Futbollistët dhe klubet nuk duhet të marrin pjesë në këtë turne. Një ndeshje e vetme e Real Madrid vlen 20 milionë euro, ndërsa FIFA këtë shifër do ta japë për të gjithë turneun. Ashtu si ne, edhe disa klube të tjera, do ta refuzojnë pjesëmarrjen”, tha Ancelotti.

Kupa e Botës për klube nga FIFA është planifikuar të mbahet vitin e ardhshëm me fazën parasezonale në qershor-korrik.

Real Madrid është një nga 12 klubet europiane, të kualifikuara për në këtë turne. Shpërblimi i vogël financiar dhe prestigji, kanë bërë që klubi spanjoll të refuzojë për të marrë pjesë.

Botërori për klube, që me formatin e ri do të organizohet 1 herë në 4 vjet, do të mbahet në periudhën qershor-korrik 2025 në SHBA, në të njëjtat data si Kupa e Botës një vit më vonë.

32 skuadrat pjesëmarrëse, do të jenë të ndara, 4 nga Konfederata Afrikane, 4 nga Konfederata Aziatike, 4 nga Konfederata Amerikano-Veriore, 1 nga Oqeania, 6 nga Konfederata Amerikano-Jugore, 12 nga Europa dhe një nga vendi organizator.





Lajmet e fundit nga