web counter
LEXO PA REKLAMA!

SHKARKO APP

App Store
Google Play

E fundit!

x

Bonuset e UEFA-s, zbulohen shpërblimet në Europian për fitoret dhe barazimet

10 Qershor 2024, 13:13, Sport CNA

Bonuset e UEFA-s, zbulohen shpërblimet në Europian për fitoret

Kur duhen edhe pak ditë nga fillimi i Europianit, emocionet sa vijnë edhe shtohen. Fakti që në këtë kompeticion do të marrë pjesë edhe Kombëtarja kuqezi, gjithçka bëhet më drithëruese për shqiptarët.

Numërimi mbrapsht ka nisur, me 24 kombëtaret që presin me padurim të zbresin në fushën e lojës, për të dhënë më të mirën e tyre.

Pjesëmarrja në Europian ka mbushur arkat e federatave, që do të jenë aty. Shqipëria dhe ekipet e tjera kanë përfituar nga UEFA, 9.25 milionë euro, vetëm për kualifikimin.

Megjithatë, shifra mund të rritet edhe më shumë, për shkak të bonuseve që jepen në këtë kompeticion.

UEFA ka vendosur të shpërblejë çdo ekip, në rast fitoreje apo barazimi. Në rast triumfi të Shqipërisë, apo të tjerëve, do të jepen 1 milion euro. Gjithashtu, barazimi do të paguhet 500 mijë euro, por jo vetëm kaq.

Çdo ekip që kalon fazën e grupeve, merr një shpërblim prej 1.5 milionë eurosh, ndërsa 2.5 milionë euro, për çdo kombëtare që arrin çerekfinalen.

Në gjysmëfinale, ekipet do të marrin 4 milionë euro. Finalja e madhe luhet për trofeun, por edhe këtu do të ketë bonus nga UEFA. Ekipi fitues do të arkëtojë 8 milionë euro, ndërsa finalisti tjetër do të marrë 5 milionë euro.





Lajmet e fundit nga