web counter
LEXO PA REKLAMA!

SHKARKO APP

“Presidenti i Serisë A hoqi Bogdanin për ngjyrën e këpucëve”, sulmuesi italian tregon historinë e çuditshme

3 Mars 2023, 19:11, Sport CNA

Alesandro Diamanti, sulmuesi i njohur italian i cili në karrierën e tij ka luajtur për shumë klube në Serinë A si dhe me përfaqësuesen e Italisë, ka treguar një nga momentet më të çuditshme të karrierës së tij, etapën te Livorno, duke përfshirë në historinë e tij edhe ish-sulmuesin e kombëtares shqiptare, Erjon Bogdanin.

Duke folur për “Cronache di Spogliatorio” ai ka zbuluar se presidenti i Livornos, Aldo Spineli, ishte një person i fiksuar pas besëtytnive. Dhe kjo me sa duket i krijoi telashe që në ditët e para edhe Bogdanit, i cili luajti në këtë klub në sezonin 2007-2008.

“Një herë ishte Bogdani, i cili kishte këpucët blu”, kujton Diamanti. “Para ndeshjes, Spineli vinte në dhomat e zhveshjeve. Si fillim i tha “Kush je ti?”, pasi ai kishte ardhur një javë më parë. Iu përgjigj “Jam sulmues unë, jam Bogdani”.

“Ah Bogdani, sa i madh je” i tha, e pastaj shtoi “Jo, ti nuk luan. Me këpucët blu nuk luan se sjell ters”. Kështu, atij iu desh të hiqte këpucët blu”, kujtoi Diamanti episodin e veçantë me presidentin e Livornos në ato vite.





Lajmet e fundit nga